کۆتایی بە چاوەڕوانیی دەیان هەزار قوتابی دەرچووی پۆلی ١٢ی ئامادەیی هات و وەزارەتی خوێندنی باڵا و توێژینەوەی زانستیی هەرێمی کوردستان-عێراق، ئەنجامی وەرگرتنی لە زانکۆ و پەیمانگەکاندا ڕاگەیاند.
نیوەڕۆی ئەمڕۆ، سێشەممە، دکتۆر ئارام محەمەد، وەزیری خوێندنی باڵا، لە کۆنگرەیەکی ڕۆژنامەوانیدا ئەنجامی کۆتایی زانکۆلاینی بۆ ساڵی خوێندنی ٢٠٢٥-٢٠٢٦ ئاشکرا کرد و چەندین زانیاریی گرنگی خستەڕوو.
وەزیری خوێندنی باڵا ئاشکرای کرد، کە “تاوەکو ئێستا داتای ورد لەبارەی بازاڕی کاری هەرێمی کوردستان-عێراق لە بەردەست نییە” بۆ ئەوەی بتوانن بەپێی پێویستیی بازاڕ قوتابی وەربگرن. هاوکات وەڵامی ئەو ڕەخنانەشی دایەوە کە باس لە زۆریی ژمارەی دەرچووانی زانکۆ دەکەن و وتی: “بەپێچەوانەی ڕەخنەکانەوە، بوونی بڕوانامەی زۆر بایەخی هەیە.”
وەزیرى خوێندنى باڵا لە بەشێکی دیکەی گوتەکانیدا باسی ئەوەیکرد، خواستێکى زۆر لەسەر کۆلێجى پزیشکى هەیە و زانکۆلاین سیستمێکى دادپەروەرانەیە.
بەپێی ئەو ئامارانەی وەزیری خوێندنی باڵا خستیەڕوو:
ڕێژەی وەرگرتن: ئەمساڵ ١٠٠%ـی ئەو دەرچووانەی فۆڕمی زانکۆلاینیان پڕکردووەتەوە، وەرگیراون.
کۆی گشتیی وەرگیراوان:
کۆی گشتیی وەرگیراوان: ٥٠،٨٦٢ قوتابی لە زانکۆ و پەیمانگەکاندا وەرگیراون.
چۆن ئەنجامەکەت بزانیت؟
ڕێگەی سەرەکی: قوتابیان دەتوانن سەردانی ماڵپەڕی www.regayzanko.com بکەن و بە بەکارهێنانی ناوی بەکارهێنەر و وشەی نهێنیی تایبەت بە خۆیان، ئەنجامی وەرگرتنیان بزانن.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
4
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
