مەسرور بارزانی له‌گه‌ڵ عەلی زەیدی كۆبووه‌وه‌

0

لایک

0

مەسرور بارزانی، لە چوارچێوەی سەردانەکەیدا بۆ بەغداد، لەگەڵ عەلی فالح زەیدی سەرۆکوەزیرانی عێراق کۆبووەوە.

بەگوێرەی زانیارییەکانی حکوومەتی هەرێمی کوردستان، ئەمڕۆ شەممە، ٢٣ی ئایاری ٢٠٢٦، مەسرور بارزانی سەرۆکی حکوومەتی هەرێمی کوردستان-عێراق، لە چوارچێوەی سەردانەکەیدا بۆ بەغداد، لەگەڵ عەلی فالح زەیدی سەرۆکوەزیرانی عێراق کۆبووەوە.

له‌ کۆبوونەوەکەدا، مەسرور بارزانی وێڕای پیرۆزباییی دەستبەکاربوون لە سەرۆکوەزیرانی عێراق و دەربڕینی پشتیوانیی حکوومەتی هەرێمی کوردستان-عێراقیشی بۆ سەرخستنی حکوومەتەکەی لەپێناو خزمەتکردنی گشت پێکهاتە و هاووڵاتییانی عێراق بێ جیاوازی دووپات کردەوە.

مەسرور بارزانی جەختیشی لە گرنگیی چارەسەرکردنی کێشەکانی نێوان هەرێم و حکوومەتی عێراق بەشێوەیەکی بنەڕەتی و لەسەر بنەمای دەستوور و ڕێزگرتن لە قەوارەی فیدراڵیی هەرێمی کوردستان-عێراق کردەوە.

عەلی زەیدی، خۆشحاڵیی خۆی بە سەردانی مەسرور بارزانی دەربڕی و جەختی لەوە کردەوە کە ئێمە هەموومان هاوبەشین لەم وڵاتەدا و ئامانجمان چارەسەرکردنی کێشەکان و گەیشتن بە ڕێککەوتن و خزمەتکردنی هەموو هاووڵاتییان و پێکهاتەکانە بێ جیاوازی.

هەردوولا هاوڕا بوون لەسەر پتەوکردنی هاریکاری و هەماهەنگی لەنێوان هەردوو حکوومەتی عێراق و هەرێم بۆ چارەسەرکردنی کێشەکان و تێپەڕاندنی ئاستەنگ و ئاڵنگارییەکان