بەڕێوەبەرایەتی گشتیی کەشناسی و بوومەلەرزەزانی هەرێمی کوردستان، کەشى پێشبینیکراوى ٤٨ کاتژمێرى داهاتووی بڵاوکردەوە و رایگەیاند، باران بەردەوام بێت.
کەشناسیی هەرێمی کوردستان-عێراق رایگەیاند، پێشبینی دەکرێت کەشی ئەمڕۆ یەکشەممە، ١٢-٤-٢٠٢٥، بە گشتی باران بێت و کەش و هەوا ناسەقامگیر بێت، ئاماژەی بەوەشدا، باران سەرەتا لە ناوچە شاخاوییەکان و ناوچە سنووریەکان و قەزاو ناحیەکان و ئیدارەی زاخۆ و بەشێک لە سنووری پارێزگای دهۆک دەستپێدەکات.
کەشناسیی راشیگەیاند، دواتر کاریگەری ئەم شەپۆلە سنووری پارێزگای هەولێر (ئەربیل) بە گشتی و ئیدارەی راپەڕین و سنووری پارێزگای سلێمانی و دەشتی شارەزوور و ئیدارەی گەرمیان دەگرێتەوە و پلەکانی گەرماش نزم دەبنەوە.
بەرزترین پلەکانی گەرمای پێشبینیکراوی ئەمڕۆ بە پلەی سیلیزی:
هەولێر (ئەربیل): ١٩ پلەی سیلیزی
حاجی ئۆمەران: ١٠ پلەی سیلیزی
سلێمانی: ١٧ پلەی سیلیزی
چەمچەماڵ: ١٩ پلەی سیلیزی
دهۆک: ١٨ پلەی سیلیزی
زاخۆ: ١٩ پلەی سیلیزی
هەڵەبجە: ١٩ پلەی سیلیزی
گەرمیان: ١٩ پلەی سیلیزی
