سەرۆکی بەرەی تورکمانی عێراقی داوای کۆتایی هێنان بە بوونی پەکەکە لە کەرکوک دەکات
  • TEBA KURDİ
  • Uncategorized
  • سەرۆکی بەرەی تورکمانی عێراقی داوای کۆتایی هێنان بە بوونی پەکەکە لە کەرکوک دەکات

سەرۆکی بەرەی تورکمانی عێراقی داوای کۆتایی هێنان بە بوونی پەکەکە لە کەرکوک دەکات

ئازار 3, 2023 23:49
سەرۆکی بەرەی تورکمانی عێراقی داوای کۆتایی هێنان بە بوونی پەکەکە لە کەرکوک دەکات
0

لایک

حەسەن توران، سەرۆکی بەرەی تورکمانی عێراقی ئامادەی مەراسیمی ناشتنی بەرپرسی پێشووی فەرمانگەی پاسەوانی بەرەی تورکمانی لە کەرکووک و ئەفسەری خانەنشین، ئەحمەد تاهیر بوو، کە ئەمڕۆ هەینی تیرۆریستان بۆمبێکیان بە ئۆتۆمبێلی لکاند، بەهۆی تەقینەوەی بۆمبەکەوە ناوبراو شەهید کرا.

راگەیاندنی بەرەی تورکمانی عێراقی بڵاویکردۆتەوە، “مەراسیی ناشتنی ئەحمەد تاهیر لە سەرۆکایەتیی بەرەی تورکمانی عێراقییەوە لە شاری کەرکوک دەستی پێکرد، بە ئامادەبوونی راکان سەعید جبوری پارێزگاری کەرکوک، و سەرۆک و سەرکردەی لایەنە تورکمانی و عەرەبی و کوردییەکانی کەرکوک، هەروەها بەئامادەبوونی خەڵکی شارەکە لە گۆڕستانی موسەڵڵا لە سەنتەری شاری کەرکوک بەخاکسپێردرا”.

دوای مەرەراسیمی ناشتنەکە، حەسەن توران سەرۆکی بەرەی تورکمانی عێراقی لە کۆنفرانسێکی رۆژنامەوانیدا وتی: “ئیدانەی تیرۆرکردنی یەکێک لە کادیرە پێشەنگەکانی بەرەی تورکمانی عێراقی (شەهید ئەحمەد تاهر) دەکەین، کە بۆماوەی چەندین ساڵ بەرپرسی فەرمانگەی پاسەوانی بەرەی تورکمانی بوو، ئەمڕۆ هەینی ٣ی ئاداری ٢٠٢٣  لە کردەوەیەکی تیرۆرستی ترسنۆکانە و خیانەتکارانە، بە بۆمبێکی لکێندراو بە ئۆتۆمبێلەکەی لەلایەن تیرۆریستانەوە لە ماڵەکەی خۆی لە سەنتەری شاری کەرکوک شەهیدکرا”.

توران لە قسەکانیدا ئاشکرای کرد، “رێکخراوی تیرۆرستی (پەکەکە) تۆمەتبار دەکەین بەوەی لە پشت ئەم کردەوە تیرۆریستییەوەیە، دوای ئەوەی چەندین زانیاری هەواڵگریمان پێگەیشت، کە پلانی بە ئامانجگرتنی سەرکردەکانی بەرەی تورکمانی عێراقی لە کەرکوک و پارێزگاکانی دیکە هەیە، چەندین جار حکومەتی عێراقمان لە مەترسیی بوونی پەکەکە لە کەرکوک ئاگادار کردۆتەوە”.

لەراگەیەندراوەکدا هاتووە، لە وتارەکەیدا سەرۆکی بەرەی تورکمانی عێراقی داوای لە فەرماندەی گشتی هێزە چەکدارەکان کرد، تیمێکی لێکۆڵینەوەی باڵا رەوانە بکات بۆ ئاشکراکردنی چۆنییەتی ئەنجامدنی رووداوەکە و کۆتاییهێنان بە بوونی رێکخراوی تیرۆریستی پەکەکە لە کەرکوک، ئاماژەی بەوەشکرد، کەرێکخراوەکە کەمپی مەشق و راهێنانی لە نێوان رێگاکانی کەرکوک و سلێمانی هەیە و لە ژێر ئاڵای حزب و رێکخراوەکانی کۆمەڵگەی مەدەنی بە ئاگاداری و زانیاری دەزگای هەواڵگری جموجۆڵ دەکەن.

هاوکات لە کۆتایی راگەیەندراوەکە هاتووە، سەرۆکی بەرەی تورکمانی عێراقی جەختی لەوەکردەوە، کە کەرکوک لە دوای ئۆپەراسیۆنەکانی سەپاندنی یاساوە بە ئاسایش و سەقامگیری و پێکەوەژیانی ئاشتیانە لەنێو پێکهاتەکانیدا بەڕێکردووە، باس لەوەشکراوە، “توران هۆشداری دا لە بوونی رێکخراوی تیرۆریستی پەکەکە کە ئامانجی تێکدانی ئاسایشی شاری کەرکوکە و تێکدانی پێکەوەژیانی ئاشتیانە و پەیوەندییە کۆمەڵایەتییەکانی نێوان پێکهاتەکانی ئەو شارەیە،داوشی لە هێزە سیاسییەکان کرد ئەم کردەوە تیرۆریستییە ئیدانە بکەن”.

En az 10 karakter gerekli