لە بەیاننامەیەکدا کە لەلایەن وەزارەتی دەرەوەی تورکیاوە بڵاوکراوەتەوە، ئاماژە بەوە کراوە کە “تاکە چارەسەری ناکۆکی سەبارەت بە بەرنامە ئەتۆمییەکەی ئێران لە ڕێگەی دانوستانەوەیە”.
بە وەبیرهێنانەوەی ئەوەی کە تورکیا سەرنجی بۆ مەترسییەکانی ئەو ململانێیە ڕاکێشاوە کە بە تەشەنەکردنی دەستدرێژیی ئیسرائیل لە ناوچەکە دەستیپێکردووە و تێکچوونی سەقامگیری ژینگەی ئەمنی لە هەموو بۆنەیەکدا، ئاماژەی بەوەشکردووە، “ئەو هێرشەی ئەمریکا بۆ سەر دامەزراوە ئەتۆمییەکانی ئێران ئەمڕۆ ئەنجامدراوە، ئەم مەترسییەی بۆ بەرزترین ئاست بەرزکردووەتەوە”.
لە بەیاننامەکەدا جەختی لەوە کردەوە کە پێشهاتەکان دەتوانن ببنە هۆی پەرەسەندنی ململانێی ناوچەیی بۆ ئاستێکی جیهانی و خوازراو نییە ئەم سیناریۆ کارەساتبارە بە ژیانەوە بێتە ئاراوە.
هەروەها لە بەیاننامەکەدا هاتووە: داوا لە هەموو لایەنە پەیوەندیدارەکان دەکەین بەرپرسیارانە مامەڵە بکەن و دەستبەجێ هێرشەکان بۆ سەر یەکتر ڕابگرن و خۆیان لەو هەنگاوانە بەدوور بگرن کە ئەگەری هەیە ببێتە هۆی لەدەستدانی زیاتری گیان و وێرانکاری.
هاوکات لە بەیاننامەکەدا داوا لە کۆمەڵگەی نێودەوڵەتی کراوە پاڵپشتی لە هەوڵەکانی دۆزینەوەی چارەسەری دیپلۆماسی لە نێوان لایەنەکاندا بکات، هەروەها ئاماژە بەوە کراوە کە تورکیا ئامادەیە بەرپرسیارێتییەکانی خۆی جێبەجێ بکات و بەشداریی بنیاتنەر بکات.
