هاکان فیدان، وەزیری دەرەوەی تورکیا ڕایگەیاند، گۆڕانکاری لە پارێزگاری کەرکووک بە پێشهاتێکی ئەرێنی و پێشوازی لێکراو دەزانن.
هاکان فیدان، وەزیری دەرەوەی تورکیا لە کۆڕبەندی دیپلۆماسی ئەنتالیا (ADF) ٢٠٢٦ وەڵامی پرسیارێکی ‘تەبا’ی دایەوە.
محەمەد فەرید ئەربیلئۆغلو، بەڕێوەبەری گشتی گروپی میدیایی تێبا دوای کۆنگرە ڕۆژنامەوانیەکەی لە کۆڕبەندی دیپلۆماسی ئەنتالیا (ADF) ٢٠٢٦ پرسیاری لە هاکان فیدان، وەزیری دەرەوەی تورکیا کرد: “تورکیا گۆڕانکاری لە پارێزگاری کەرکووک و هەڵبژاردنی پارێزگارێکی تورکمان چۆن هەڵدەسەنگێنێت؟”.
هاکان فیدان لە وەڵامدا وتی، “ئەمە پێشهاتێکی زۆر ئەرێنییە، ئێمە ئێستا چاوەڕێی ڕەزامەندی سەرۆککۆمارین. بۆیە، ئێمە بە پێشهاتێکی باش و ئەرێنی دەزانین.”
