سەعید خەتیبزادە، جێگری وەزیری دەرەوەی ئێران، ڕایگەیاند کە وڵاتەکەی هیچ بەڵێنێکی بۆ ناردنی یۆرانیۆمی پیتێنراو بۆ ئەمریکا نەداوە و ئەم پرسە لە ئێستادا جێگەی گفتوگۆ نییە. ئاماژەی بەوەش کرد کە تاران پێش ئەنجامدانی هەر کۆبوونەوەیەکی ڕاستەوخۆ، داوای دەستکاری نەکردنی ڕێککەوتنەکان دەکات.
خەتیبزادە لە لێدوانێکدا بۆ ئاژانسی “ئەسۆشێیتد پرێس” ئاشکرای کرد کە ژمارەیەکی زۆر پەیام لە نێوان تاران و واشنتن ئاڵوگۆڕ کراوە، بەڵام ئەمریکا پێداگری لەسەر داواکاریگەلێک دەکات کە تاران بە “زیادەڕۆیی”یان دەزانێت. سەبارەت بە خولی دووەمی دانوستانەکان، جێگرەکە ڕایگەیاند کە هێشتا نەگەیشتوونەتە قۆناغی کۆبوونەوەی ڕاستەوخۆ، چونکە لایەنی ئەمریکی هێڵە گشتییەکانی خۆی نەرم نەکردووە.
لە بەشێکی تری قسەکانیدا، خەتیبزادە جەختی لە نیازپاکی ئێران بۆ دانوستان و ئاگربەست کردەوە، بە مەرجێک هەموو وڵاتان بگرێتەوە، بەتایبەت لوبنان. هەروەها ئاماژەی بە دۆخی نوێی گەرووی هورمز کرد و ڕایگەیاند کە ئێران لە چوارچێوەی ڕێنماییە نوێیەکاندا، گەرووەکە بە کراوەیی و سەلامەتی بۆ تێپەڕاندنی هاووڵاتیانی مەدەنی دەهێڵێتەوە.
