محەمەد سەمعان ئاغا سەرۆكی بەرەی توركمانی عێراق لەگەڵ هادی عامری سەرۆکی هاوپەیمانی فەتح کۆبووەوە
ئەمرۆ یەك شەممە، رێكەوتی 4ـی ئایاری 2025، شاندێكی بەرەی توركمانی عێراق بە سەرۆكایەتی محەمەد سەمعان ئاغا سەرۆكی بەرەی توركمانی لەگەڵ هادی عامری سەرۆکی هاوپەیمانی فەتح کۆبووەوە، هاوكات غەریب عەسکەر و عاتف نەجار ئامادەی کۆبوونەوەکە بوون.
لە میانی دیدارەکەدا، کە تیایدا باس لە نوێنەرایەتی سیاسی و مافە ئەمنییەکانی تورکمان کرا، جەخت لەوە کرایەوە کە پێویستە ناوچە تورکمانییەکان بخرێنە نێو بەرنامەکانی گەشەپێدان و ڕێوشوێنە ئەمنییەکان لە بەرامبەر گۆڕانکارییە دیمۆگرافییەکان زیاد بکرێن.
