وەزارەتی پشمەرگەی حکومەتی هەرێمی کوردستانی عێراق رایگەیاند، خشتەی پلە بەرزکردنەوەی ساڵانی 2018 و 2019 ـی هێزەکانی پێشمەرگە گەڕایەوە وەزارەتی پێشمەرگە.
لەراگەیەندراوێکدا وەزارەتی پێشمەرگە ئاماژەی بەوەکرد کە خشتەکانی پلە بەرزکردنەوەی پێشمەرگە گەڕاوەتەوە و تێیدا هاتووە، “ئەمڕۆ 6ـی تەمموزی 2022، دوای رەزامەندی بەڕێزان سەرۆکی هەرێمی کوردستان و سەرۆکی حکومەتی هەرێمی کوردستان، خشتەی پلە بەرزکردنەوەی ساڵانی 2018 و 2019 ـی هێزەکانی پێشمەرگە گەڕایەوە وەزارەتی پێشمەرگە.
هاوکات لەراگەیەندراوەکەدا ئەوەش هاتووە، “دوای بڕینی رێکارە یاساییەکان و تەواو کردنی رۆتینیاتی ئیداری خشتەی پلە بەرزکردنەوەی نەورۆز و ئەیلولی هەردوو ساڵەکانی 2018 و 2019ـی ئەفسەرانی وەزارەتی پێشمەرگە بەشایستەییەوە گەڕایەوە وەزارەتی پێشمەرگە و فەریق روکن عیسا عوزێر سەرۆکی ئەرکانی وەزارەتی پێشمەرگە واژۆی لەسەر کرد و رێکارە ئیدارییەکانی بۆ دەگیرێتە بەر”.
هاوکات لە کۆتایی راگەیەندراوەکەدا ئەوەش هاتووە، “سەرۆکی ئەرکان رایگەیاند کە کار کراوە بۆ تەواو کردنی خشتەکانی 2018 و 2019ـی یەکەکانی 70 و 80، موژدە بە ئەفسەرانی یەکەکانی70 و 80 دەدات، کە لەنزیکترین کاتدا، فەرمانی پلە بەرزکردنەوەی ئەوانیش دەردەچێت”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
