دەستەی کەشناسیی عێراق دەڵێت، لە سبەینێوە شەپۆلێکی نوێی بارانبارین ڕوو لە ناوچەکانی عێراق و هەرێم دەکات و پلەکانی گەرماش دادەبەزێت.
ئەمڕۆ دووشەممە ٢٤ـی تشرینی دووەمـی ٢٠٢٥، دەستەی کەشناسی و بومەلەرزەزانیی عێراق لە ڕاگەیەندراوێکدا بڵاویکردەوە، لەئێوارەی ئەمڕۆوە لەناوچەکانی رڕژئاوای عێراق ئاسمان بۆ هەوری تەواو دەگۆڕێت، بۆ سبەینێ سێشەممە لەکاتەکانی ئێوارە و شەودا بارانبارین ناوچەکانی پارێزگای ئەنبار و دەورووبەری دەگرێتەوە و بۆ ڕۆژی چوارشەممە دەگاتە زۆرینەی ناوچەکە.
ئاماژەی بەوەشکردووە، پێشبینیدەکرێت، لە بەشێک لە ناوچەکان بارانبارین بە شێوەی نمەباران بێت، لەبەشێکی دیکەیاندا هەورە بروسکەی لەگەڵدابێت.
