وەزارەتی دارایی و ئابووری ڕایگەیاند، گوژمەیەکی تر لە تەمویلی مووچەی مانگی شوبات خرایە سەر هەژماری بانکی وەزارەتی دارایی.
وەزارەتی دارایی و ئابووری هەرێمی کوردستان-عێراق ڕایگەیاند، یەکشەممە ٨ـی ئاداری ٢٠٢٦ گوژمەیەکی تر بەبڕی (٣٦٥ ) ملیار و ( ٧٠٢ ) ملیۆن دینار وەک بەشێکی تر لەتەمویلی مووچەی مانگی شوباتی فەرمانبەرانی هەرێمی کوردستان-عێراق خرایە سەر هەژماری بانکی وەزارەتی دارایی و ئابووری هەرێمی کوردستان-عێراق لەلقی هەولێر (ئەربیل)ـی بانکی ناوەندی عێراق.
چاوەڕێ دەکەین سبەی دووشەممە لەگەڵ گەیشتنی تەواوی تەمویلی مووچە لەلایەن وەزارەتی دارایی عێراقەوە ڕاستەوخۆ دەست بەدابەشکردنی مووچەی مانگی شوبات بکەین.
