تاران بڕیاردەدات شاندێك رەوانەی عێراق بكات بۆ لێكۆڵینەوە لە رێككەوتنی ئەمنیی دووقۆڵی، وەك ئەوەی وتەبێژی وەزارەتی دەرەوەی ئەو وڵاتە ئاماژەی پێدا.
ناسر كەنعانی، وتەبێژی وەزارەتی دەرەوەی ئێران رایگەیاند، وادەی رێككەوتنی ئەمنی لەگەڵ عێراق، تایبەت بە “هەڵوەشاندنەوەی سەربازگەی پارتە كوردییە ئێرانییە بەرهەڵسكارەكانی ناو هەرێمی كوردستان” لە 19ی ئەیلولی رابردوودا كۆتایی هات.
وتیشی، “بەپێی هەڵسەنگاندنەكانمان، چەند بەشێك لە رێككەوتنەكە جێبەجێكراون، هەندێكی دیكەیان جێبەجێ نەكراون”.
كەنعانی لەمیانەی كۆنگرەی رۆژنامەنووسیی هەفتانەی خۆیدا ئاشكراشیكرد، ئێران تیمێك رەوانە دەكات بۆ لەنزیكەوە بەدواداچوون بۆ جێبەجێكردنی رێككەوتنەكە و ئامادەكردنی راپۆرتێك لەوبارەیەوە.
ئەوەشی راگەیاند، بەرپرسانی حكومەتی عێراق و هەرێمی كوردستان پابەندبوونیان بە جێبەجێكردنی رێككەوتنەكە دووپاتكردووەتەوە و رایانگەیاندووە “ژمارەیەكی زۆری بارەگاكان چۆڵكراون و گوازراونەتەوە”.
بۆ هەمان مەبەست دوو رۆژ لەمەوەبەر، شاندێكی عێراق و هەرێمی كوردستان بە سەرۆكایەتی قاسم ئەعرەجی، راوێژكاری ئاسایشی نەتەوەیی عێراق سەردانی تاران-ی پایتەختی ئێران-ی كرد.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
