عەلی زەیدی، وەک سەرۆکوەزیرانی نوێی عێراق و فەرماندەی گشتیی هێزە چەکدارەکانی عێراق دەستبەکار بوو.
ئەمڕۆ شەممە، ١٦ی ئایاری ٢٠٢٦، عەلی زەیدی، لە رێوڕسمێکی تایبەتدا وەک سەرۆکوەزیرانی نوێی عێراق و فەرماندەی گشتیی هێزە چەکدارەکانی عێراق دەستبەکار بوو.
عەلی زەیدی لە کۆشکی سەرۆکایەتیی حکوومەت لە بەغداد، لە لایەن محەممەد شیاع سوودانییەوە پێشوازی لێ کرا و ئەرکەکەی لێ وەرگرت.
لە رێوڕەسمەکەدا، وەک نەریتێکی پڕۆتۆکۆلیی عێراق لە کاتی رادەستکردنی پۆستی سەرۆکوەزیرانی فیدراڵ، ٢١ گولـلەتۆپ تەقێنران وەک نیشانەیەک بۆ رێزگرتن و پێشوازیکردن.
