وەزارەتی دارایی و ئابووری رایگەیاند، سبەی دەوامی سەرجەم ئەو بانکانە ئاسایی دەبن کە ئەرکی دابەشکردنی مووچەی فەرمانبەرانیان لە ئەستۆدایە.
لە راگەیەندراوی وەزارەتی دارایی و ئابووری هەرێمی کوردستان ئاماژە بەوە دراوە، “رۆژی چوارشەممە رێکەوتی 27/9/2023، کە پشووی فەرمییە، دەوامی سەرجەم ئەو بانکانە ئاسایی دەبن کە ئەرکی دابەشکردنی مووچەی فەرمانبەرانیان لە ئەستۆدایەو دابەشکردنی مووچە بە پێی خشتەی راگەیەنراوی وەزارەت بەردەوام دەبێت”.
هاوکات فەرمانگەی میدیا و زانیاری رایگەیاندبوو، پێویستە وەزارەتەکان بە هەماهەنگی لەگەڵ وەزارەتی دارایی و ئابووری پابەندی خشتەی دابەشکردنی مووچە بن.
