پارێزگارى هەولێر(ئەربیل) رایگەیاند، “نابێت رێگە بە هیچ کەس بدرێت، نەورۆز و مانگى پیرۆزى رەمەزان بقۆزێتەوە و نرخی خۆراک و کەلوپەل و پێداویستیی لەسەر هاووڵاتییان گران بکات”.
ئەمڕۆ پێنجشەممە 16-03-2023، بە سەرپەرشتیى ئومێد خۆشناو، پارێزگارى هەولێر و ئامادەبوونى هێمن قادر، جێگرى پارێزگار و نەبەز عەبدولحەمید، قائیمقامى ناوەند و عەقید خەسرۆ غازى، بەڕێوەبەرى کاروبارى ناوخۆى پارێزگا، لە دیوانى پارێزگا، کۆبوونەوەیەکى تایبەت بۆ رێگەگرتن لە گرانی نرخ و پێداویستی هاووڵاتییان و کۆنتڕۆڵکردنی بازاڕ ئەنجامدرا.
وەکو ئەوەی لە راگەیەندراوەکەی پارێزگای هەولێردا هاتووە، “ئومێد خۆشناو، پارێزگارى هەولێر، بەبۆنەى هاتنى نەورۆز و مانگى رەمەزانى پیرۆزەوە جەختی لە چاودێریکردنی چڕ و وردی بازاڕ و نرخ وکەلوپەل و پێداویستییەکانی هاووڵاتییان کردەوە و لێژنەی قائیمقامیەتى ڕاسپارد رێکاری توند لەگەڵ هەموو ئەو کەسانە بکرێت کە نرخی خۆراک و پێداویستییەکان لە سەر هاووڵاتییان زیاد دەکەن و رێگە بە هیچ کەس نەدەن بەهەر بڕ و بیانوێک بێت، نەورۆز و مانگى پیرۆزى ڕەمەزان بقۆزێتەوە و یاری بەبازاڕ بکەن و نرخی خۆراک و کەل و پەل و پێداویستی لەسەر هاوڵاتییان گران بکەن”.
ئەوەش هاتووە، لە بەشێکى ترى کۆبوونەوەکەدا، پارێزگارى هەولێر، لە بارەى کرانەوەى خواردنگە و چێشتخانەکان لە مانگى پیرۆزى رەمەزان، ئاماژەى بەوەدا، “بە ڕێزگرتن لەو مانگە پیرۆزە و ڕۆژووانان، چێشتخانه‌كان ئازادن و خۆیان ئه‌و بریاره له‌سه‌ر خۆیان جێبه‌جێ دەكه‌ن، تەنها بەشێوەیەک ڕێز لەو مانگە پیرۆزە بگرن”.
لە کۆتایی راگەیەندراوەکەدا هاتووە، “جەخت لەوە کرایەوە کە لەگەل هەڵمەتەکانى چاودێریکردنی چڕ و وردی بازاڕ و نرخ و کەل و پەل و پێداویستییەکانی هاووڵاتییان، هەڵمەتى پشکنین و دەستبەسەرداگرتنى خۆراک و ده‌رمانى خراپ و ماوە بەسەرچوو چڕتر بکرێتەوە”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
