بەڕێوەبەری گشتیی بازرگانی هەرێمی كوردستان رایگەیاند، زیاتر لە 10 ملیار دینار پارەی جووتیارانی هەرێمی كوردستان دابەش دەكرێت.
نەوزاد كامیل، بەڕێوەبەری گشتیی بازرگانی هەرێمی كوردستان رایگەیاند، بڕێكی دیكە لە شایستە داراییەكانی جووتیاران بۆ ساڵی 2023 لەلایەن وەزارەتی بازرگانی عیراق، خراوەتە سەر هەژماری وەزارەتی بازرگانی و پیشەسازی هەرێمی كوردستان.
ئاماژەی بەوەشدا، پاش تەواوبونی رێكارە كارگێڕی و داراییەكان دەست بە دابەشكردنی ئەو بڕە پارەیە دەكرێت كە بەم شێوەیەیە:
– سلێمانی/ پێنج ملیار دینار
– هەولێر/ سێ ملیار دینار
– دهۆك/ دوو ملیار و پێنج سەد ملیۆن دینار
