وەزارەتی تەندروستی عێراق دەرگای دامەزراندنی بۆ دەرچووانی کۆلێژەکانی پزیشکی گشتی وپەیمانگاکانی پەرستاری هەرێمی کوردستان-عێراق کردەوە.
بە گوێرەی راگەیەندراوێکی فەرمی وەزارەتی تەندروستی عێراق دەرگای دامەزراندن بۆ دەرچووانی کۆلێژەکانی پزیشکی گشتی وکۆلێژ وپەیمانگاکانی پەرستاری هەرێمی کوردستان-عێراق بۆ ساڵانی خوێندنی 2023-2024 کردەوە.
هەر بە پێی راگەیەندراوەکە، دامەزراندنەکە ئەو دەرچووانە دەگرێتەوە کە ئارەزووی دامەزراندن لەسەر میلاکی هەمیشەیی وەزارەتی تەندروستی هەیە .
ڕاگەیەندراوەکە لەسەر بنەمای ڕەزامەندی وەزیری تەندروستی، دکتۆر ساڵح حەسناوی دەرچووە، داوا لەو دەرچووانە کراوە کە فۆڕمی ئەلیکترۆنی تایبەت بە خۆیان لە ڕێگەی ئەو لینکەی بۆیان دیاری کراوە پڕ بکەنەوە.
