وەزارەتی تەندروستی رێکارەکانی خۆپارێزی لەکاتی گەشتدا هەڵوەشاندەوە

0

لایک

0

وەزارەتی تەندروستی عێراق بڕیایدا بە لابردنی مەرجی کارتی پشکنینی کۆرۆنا لە فڕۆکەخانە و دەروازە سنوورییەکان.

ساڵح حەسناوی، وەزیری تەندروستی عێراق لە نووسراوێکدا کە ئاراستەی فەرمانگە تەندروستییەکانی عێراقی کردووە ئاماژەی بەوەکردووە، “ئەو کەسانەی دێنە ناو عێراق یان دەچنە دەرەوە لە (01-12-2022) بەدواوە داوای کارتی ڤاکسینی کۆرۆنایان لێناکرێت”.

ئاماژە بەوەشدەکات، “بەستنی ماسک لە سەرجەم شوێنە گشتییە کراوە و داخراوەکان ئازادانەیە و ناچاری نییە، تەنیا لە نەخۆشخانە و دامودەزگا تەندروستییەکان نەبێت”.

وەزیری تەندروستی عێراق لە نووسراوەکە تایبەت بە هۆکاری لابردنی مەرجی کارتی ڤاکسین دەڵێت، ” ئەو بڕیارەیان دوای هەڵسەنگاندنی دۆخی کۆرۆنا لە عێراق و تەواوی جیهان دەرکردووە”.