شانشینی سعوودیە، هێرشەکانی سوپای پاسدارانی ئێرانی بۆ سەر چەند ناوچەیەکی هەرێم “بە توندی” سەرکۆنەکرد و داوایەکیشی ئاراستەی کۆمەڵگەی نێودەوڵەتی کرد.
وەزارەتی دەرەوەی سعوودیە لە بەیاننەمایەکدا و لەسەر زاری شانشینەکەیانەوە دووپاتی کە سەرکۆنەکردنی ئەو هێرشانە کردەوە و رایگەیاند: ئەو هێرشانە، هەڕەشەن لەسەر ئاسایش و سەقامگیری عێراق.
لەو بەیاننامەیەدا کە لەلایەن ئاژانسی هەواڵی سعوودیەوە بڵاوبووەتەوە، هاتووە: دووپات لە هەڵوێستی کۆمەڵگەی نێودەوڵەتی بەرامبەر هەموو پێشێلکارییەکانی ئێران دەکەین کە دژی یاسا و رێککەوتنە نێودەوڵەتییەکانە.
رۆژی 28ـی ئەیلول، بنکە و بارەگاکانی حزبی دیموکراتی ئێران لە کۆیە، کۆمەڵەی زەحمەتکێشانی ئێران لە دەورووبەری سلێمانی و پارتی ئازادی کوردستان (پاک) لە نزیک پردێ، لەلایەن سوپای پاسدارانەوە هێرشیان کرایەسەر.
دوای چەند کاتژمێرێک لەو رووداوە، سوپای پاسدارانی ئێرانی بەرپرسیارێتی خۆی لەو هێرشانە راگەیاند.
