سەرۆکوەزیرانی بەریتانیا: پشتیوانێکی گەورەی ئیسرائیلم

0

لایک

0

سەرۆکوەزیرانی نوێی بەریتانیا لەنوێترین لێدوانیدا رایگەیاند، کە زایۆنییە و پشتیوانێکی گەورەی دەوڵەتی ئیسرائیلە.

لیز ترەس سەرۆک وەزیرانی نوێی بەریتانیا لە میانەی کۆبوونەوەی لەگەڵ کۆمەڵێک پەرلەمانتاری لایەنگری ئیسرائیل لە پارتی پارێزگارانی رایگەیاند، “من زایۆنییەکی گەورەم و پشتیوانێکی گەورەی ئیسرائیلم”.

هاوکات لە پەراوێزی کۆنگرەی ساڵانەی پارتی پارێزگاران لە بێرمنگهام ئاماژەی بەوەکرد،”پابەندییەکانمان بەرامبەر ئیسرائیل نەگۆڕە، بەڵێن دەدەم پەیوەندیەکانی نێوان بەریتانیا و ئیسرائیل بەهێزتر بکەم”.

لەبەشێکی دیکەی وتەکانیشیدا بەڵێنیدا کە پاڵپشتی تەواوی ئیسرائیل بکات و وتی، “ئیسرائیل و بەریتانیا رووبەڕووی سیستەمێکی ستەمکاری وەک ئێران دەبنەوە کە باوەڕی بە ئازادی و دیموکراتی نییە، بەڵام بەریتانیا هەرگیز رێگەنادات ئەو وڵاتە ببێتە خاوەنی چەکی ئەتۆم”.