ئاژانسی هەواڵی سووریا ڕایگەیاند: لە ئەنجامی بەرەنگاربوونەوەی هێزەکانی ڕژێمی سووریا دژی ھێزە چەکدارەکانی ئۆپۆزسیۆنی سووریا لە لادێکانی باکوری حەما، توانیویانە 300 سەرباز بكوژن.
بڵاویشیكردوەتەوە؛ کە بەدرێژایی هێڵەکانی شەڕکردن لە لادێکانی باکووری حەما هێزەكانی وڵات جێگیرکراون كە لە بەیانییەوە ڕوبەڕووبوونەوەی توندیان لەگەڵ ھێزە چەکدارەکانی ئۆپۆزسیۆنی سووریا ئەنجامداوە.
ئاژانسی هەواڵی سووریا ئاماژەی بەوەشکرد، لەسەرجەم بەرەكانی شەڕ، هێزەکانی سوریا بەبەكارهێنانی تۆپخانە و موشەک و فڕۆکە زیاتر ئەو ناوچانە بەئامانج دەگرێت كە ژمارەیەكی زۆر لە چەكدارەكان کۆدەبنەوە تیایدا.
