دۆناڵد ترەمپ سەرۆكی ئەمریكا و ڤلادیمیر پوتین سەرۆكی ڕووسیا پەیوەندییەكی تەلەفۆنییان ئەنجام دا، لە پەیوەندییەكەدا هەردوو سەرۆك دوایین پێشهاتەكانی شەڕی رۆژهەڵاتی ناوەڕاست و ئۆكراینایان تاوتوێ كرد.
یووری ئۆشاكۆڤ یاریدەدەری پوتین لەبارەی ناوەرۆكی پەیوەندییە تەلەفۆنییەكە ڕایگەیاند: هەردوو سەرۆك بە پلەی یەكەم سەرنجیان خستە سەر شەڕ و ئاڵۆزییەكان لە رۆژهەڵاتی ناوەڕاست.
دۆناڵد ترەمپ و ڤلادیمیر پووتین هەروەها بە تایبەت قسەیان لەبارەی بارودۆخی ئێران و وڵاتانی كەنداو كرد.
پوتین بڕیارەكەی ترەمپی بۆ درێژكردنەوەی ئاگربەست لەگەڵ ئێران بە بڕیارێكی دروست و ژیرانە وەسف كرد، چونكە دەرفەتێك بۆ دانوستانەكان دەڕەخسێنێت و یارمەتیدەر دەبێت بۆ چەسپاندنی سەقامگیری لە ناوچەكەدا.
