وەزارەتی تەندروستی عێراق ئاشكرای دەكات، نەخۆشی تای خوێنبەربوون 60 قوربانی لێکەوتۆتەوە، کە 53 کەسیان تووشبوون و 7 کەسیشیان گیانیان لەدەستداوە.
د. ڕیاز حەلفی، بەرێوەبەری گشتیی لە وەزارەتی تەندروستی عێراق سەبارەت بە دوایین پێشهاتەکانی تایبەت بە تای خوێنبەربوون لە عێراق و هەرێمی کوردستان ڕایگەیاند، “تاوەکو ئێستا لەسەرتاسەری عێراق 53 کەس تووشی تای خوێنەربوون بوون و 7 کەس گیانیان لەدەستداوە.
ڕاشیگەیاند: “ئەم نەخۆشییە لە ئاژەڵەوە بۆ مرۆڤ دەگوازرێتەوە و زیاتر ئەو کەسانەش دەگرێتەوە لە کەرتی ئاژەڵداری کار دەکەن. گۆشتفرۆشەکانیش بە هەمان شێوە ڕووبەڕووی دەبنەوە”.
ئاماژەی بەوەشكرد، “بۆ خۆپارێزی لە تووشبوون بەم نەخۆشییە، ئەوانەی مامەڵە بە ئاژەڵ و گۆشتی سوور دەکەن، پێویستە کەرەستە پێویستەکانی خۆپارێزی بەکاربهێنن وەک دەستکێش و دەمامک و چاویلکەی تایبەتی خۆپارێزی”.
جەختیشی كردۆتەوە، پێویستە لە ڕێگەی دەرمانی لەنێوبردنی قڕکەرەکان، شوێنکارەکانیان پاک ڕاگرن و خاوێنیان بکەنەوە. دەبێت نەخۆشخانەکانی ڤێتێرنەریش بەردەوام ئەم جۆرە ڕێکارانە جێبەجێ بکەن.
1
پارێز کەریم، دکتۆری چارەسەری سرووشتی باس لە وردەکارییەکانی چارەسەری دەرزی ئاژنین دەکات
2
هۆكارەكانی بینینی خەوی ناخۆش چییە؟
3
نەخۆشخانەی منداڵان لە سلێمانی: نەخۆشی سکچوون و رشانەوەی منداڵان گەیشتووەتە لووتکە
4
ژەهری دووپشک چۆن بۆ چارەسەرکردنی شێرپەنجەی مەمک بەکاردەهێنرێت ؟
5
بۆ یەکەمین جار لە شاری هەولێر نەخۆشخانەی پسپۆڕی چاو (حکومی) دەکرێتەوە
