محەمەد حەلبوسی، سەرۆکی ئەنجومەنى نوێنەرانى عێراق رایگەیاند، رۆژی 27ی ئایار دەنگ لەسەر پڕۆژە یاسای بودجە دەدرێت.
سەرۆکى ئەنجومەنى نوێنەرانى عێراق وادەى دەنگدانى بە پڕۆژەیاساى بودجە راگەیاند و دەڵێت: لیژنەى دارایی ئامادەیە بۆ پێشکەشکردنى پڕۆژەیاساکە لە رۆژى هەینى بە سەرۆکایەتى پەرلەمان.
ئاماژەی بەوەشکرد، “یاساکە گرنگە و چەندین پڕۆژەی وەبەرهێنانی تێدایە کە رەنگدانەوەی ئەرێنی لەسەر واقیعی خزمەتگوزاری دەبێت”،
روونیشیکردەوە، “لیژنەکە هەندێک بڕگەی زیادکردووە و هەموارکردوەتەوە بۆ ئەوەی خزمەت بە دەوڵەت بەگشتی بکات”.
پەیوەست بە وادەی کۆبوونەوەی پەرلەمان بۆ دەنگدان بە پڕۆژەکە، حەلبووسی دەڵێت، “رۆژی شەممە 27ی ئایار رەشنووسی یاسای بودجە لە پەرلەمان پەسەند دەکرێت”.
