تەندروستی هەولێر: لە شەوی سەری ساڵدا 54 کەس برینداربوون

0

لایک

0

شەوی رابردوو لەکاتی رێوڕەسمی پێشوازیکردن لە ساڵی نوێ، ژمارەیەک رووداوی جۆراوجۆر لە هەولێر تۆمارکراون و 54 برینداربوون.

بەڕێوەبەرایەتی گشتی تەندروستی هەولێر رایگەیاند، لە شەوی سەری ساڵی نوێ 10 تیمی پزیشکی لە ئەرکدا بوونە و لەکاتی ئاهەنگ و رێوڕەسمی پێشوازیکردن لە ساڵی نوێ تیمەکانیان پێشوازیان لە 54 حاڵەتی جۆراوجۆر کردووە، کە برینداربوونە لەلایەن تیمەکانیان چارەسەری پێویستیان پێدراوە.

بەڕێوەبەرایەتی تەندروستی هەولێر، سوپاس و دەستخۆشی لە تیمەکانیان دەکات لە بەشی کردە پزیشکیەکان، کە لە کاتی رووماڵکردنی ئاهەنگی سەری ساڵ بەشێوەیەکی رێک و پێک کارەکانیان ئەنجامداوە.