بەرگریی شارستانیی قەرەداغ رایگەیاند، گرووپێکی شاخەوانى سلێمانى ئەمرۆ گەشتێکى شاخەوانیان بۆ قەرەداغ ئەنجامداوە و بەهۆى بارانبارینى زۆر چوار شاخەوان لافاوبردوونى و خنکاون.
بەرگریی شارستانیی قەرەداغ بە میدیاکانی راگەیاند، گرووپى شاخەوانى سەرگرمە ئەمرۆ گەشتى شاخەوانیان هەبووە لەنێوان گوندى بەڵخە و گوندى ئاوەسپى، بەهۆى بارانبارین لافاو دروستبووە و چوار شاخەوان لافاوبردوونى.
راشیگەیاند، هەر چوار شاخەوانەکە خنکاون و تەرمەکانیان دۆزراونەتەوە و رەوانەی پزیشکی دادی سلێمانی کراون.
ئەمەش لە کاتێکدایە، لەماوەی چەند رۆژی رابردوودا کەشناسیی هەرێم چەندین جار هۆشداری بە هاووڵاتییان دا لەبارەی ناسەقامگیری کەشوهەوا لەماوەی ئەم چەند رۆژەدا.
