بەڕێوەبەرایتیی گشتیی کەشناسی و بومەلەرزەزانی هەرێم ڕەوشی کەشوهەوای ٤٨ کاتژمێری داهاتووی خستەڕوو و ڕایگەیاند، بارانبارین بەردەوام دەبێت و پلەی گەرما نزم دەبێتەوە.
ئەمڕۆ دووشەممە، ٣٠ـی ئاداری ٢٠٢٦، بەرێوەبەرایتیی کەشناسی و بومەلەرزەزانی هەرێم، ڕایگەیاند: بە گشتی ئاسمانی هەرێم لە نێوان نیمچە هەور و هەوری تەواو دەبێت بەتایبەتی لە ناوچە شاخاوییەکاندا لەگەڵ دابارینی نمەباران لەزۆربەی ناوچەکان هەروەها بەفربارینێکی کەم لەناوچە شاخاوییە سنووریەکاندا. لەکاتەکانی نیوەرۆ تاکو ئێوارە ئەگەری تاوەباران و بروسکە هەیە لەناوچە جیاجیاکاندا وەک (سنووری پارێزگای دهۆک وە پارێزگای هەولێر(ئەربیل) و سنوری ئیدارەی گەرمیان).
هەروەها کەشناسی پێشبینی دەکات: بارانبارین تاکو کاتەکانی ئێوارە بەشێوەی پچرپچر بەردەوامی ببێت لەگەڵ ئەگەری تەرزە لەم سنوورانە. بۆ کاتەکانی درەنگانی شەو کاریگەری دابارین بەلاوازی دەمینێتەوە لەناوچە جیاجیاکان. پلەی گەرما ١ بۆ ٣ پلە نزم دەبێتەوە.
بۆ سبەی سێشەممە، ٣١ـی ئادار بە پێی پێشبینیەکانی کەشناسی: ئاسمان لە نێوان هەور و نیمچە هەور دەبێت، لەگەڵ دابارینی نمەباران لە ناوچە جیاجیاکاندا، لەکاتەکانی دوای نیوەرۆ ئەگەری تاوەباران و بروسکە لەناوچەکانی سنووری پارێزگاکانی هەولێر(ئەربیل) و سلێمانی و کەرکووک وە ئیدارەی سەربەخۆی گەرمیان دەکرێت.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی بەمشێوەیە:-
هەولێر(ئەربیل): ١٦پلە
سلێمانی:١٣پلە
دهۆک:١٢پلە
هەڵەبجە:١٢پلە
زاخۆ:١٢پلە
گەرمیان:١٨پلە
سۆران:١٢پلە
حاجی ئۆمەران:٤پلە
