وەزارەتی ئەوقاف: ڕۆژی هەینی یەکەم ڕۆژی جەژنی رەمەزانە

0

لایک

0

لیژنەی باڵای بینینی مانگ لە وەزارەتی ئەوقاف و کاروباری ئایینیی هەرێمی کوردستان-عێراق، دوای چاودێریکردنی وردی ئاسمان، رایگەیاند کە بەهۆی نەبینینی مانگی شەوالەوە، ڕۆژی پێنجشەممە جەژن نییە و دەبێتە تەواوکەری مانگی ڕەمەزان.

ئێوارەی ئەمڕۆ چوارشەممە، ١٨ـی ئاداری ٢٠٢٦، لیژنەی باڵای بینینی مانگ لە وەزارەتی ئەوقاف و کاروباری ئایینیی حکوومەتی هەرێمی کوردستان، لە کۆنفراسنێکی رۆژنامەوانیدا، وتی: “دوای ئەوەی لە سەرجەم پارێزگا و ئیدارە سەربەخۆکانی هەرێمی کوردستان لە رێگەی لیژنە لاوەکییەکان چاودێری بینینی مانگ کرا، بەڵگەی شەرعی بینینی هیلالی مانگی شەووال نەسەلمێنرا.”

بەپێی ئەم بڕیارە، لیژنەی باڵای بینینی مانگ ڕایگەیاند: “سبەی پێنجشەممە، دەبێتە تەواوکەری مانگی پیرۆزی رەمەزان و، ڕۆژی هەینی رێکەوتی ٢٠ـی ئاداری ٢٠٢٦، یەکەم رۆژی جەژنی پیرۆزی رەمەزان دەبێت لە هەرێمی کوردستان.”