دوو كارمەندی باڵیۆزخانەی ئیسرائیل كوژران

0

لایک

0

میدیاکانی ئەمریکا بڵاویان کردەوە کە دوو کارمەندی باڵیۆزخانەی ئیسرائیل لە نزیک مۆزەخانەی جولەکەکان لە واشنتۆن کوژراون.

پۆلیسی ئەمریکا دەستگیرکردنی تۆمەتبارێکی رووداوی تەقەکردنەکەی پشتڕاستکردەوە، بەڕێوەبەری پۆلیسی واشنتۆن ڕایگەیاندووە، تۆمەتبارەکە پێش تەقەکردنەکە لە دەرەوەی مۆزەخانەکە هاتووچۆی کردووە و دوای رووداوەکە لەلایەن کارمەندانی ئەمنییەوە دەستگیرکراوە.

بەگوێرەی پۆلیسی ئەمریکا، “تۆمەتباری کوشتنی کارمەندانی باڵیۆزخانەی ئیسرائیل لە واشنتۆن لە کاتی دەستگیرکردنیدا هاواری ‘ئازادی بۆ فەلەستین’یان کردووە”.

دانی دانۆن، باڵیۆزی ئیسرائیل لە نەتەوە یەکگرتوەکان وتی: تەقەکردن لە دەرەوەی مۆزەخانەی جولەکەکان لە واشنتۆن، کردەوەیەکی تیرۆریستی دژ بە جولەکەکانە.

دانۆن ڕونیکردەوە کە دوای رووداوی تەقەکردنەکە لەگەڵ دۆناڵد ترەمپ سەرۆکی ئەمریکا قسەی کردووە.