دوو گرنگترین خەڵاتی ساڵی 2023 لە تۆپی پێدا، خەڵاتی باڵۆن دۆر و خەڵاتی گۆڵدن بۆی، “باشترینەکان”ی ساڵ دیاریکران.
خەڵاتی باڵۆن دۆر (تۆپی زێڕین) کە لە ساڵی 1956ـەوە لەلایەن گۆڤاری فرانس فوتبۆڵەوە دابەش دەکرێت و هەموو ساڵێک دەدرێتە باشترین یاریزانی تۆپی پێی ساڵ، لە ئاهەنگێکی شایستەدا بەخشرا کە لە شانۆی شاتێلێت لە پاریسی پایتەختی فەڕەنسا بەڕێوەچوو.
لیۆنێل مێسی ئەستێرەی ئەرجەنتین کە مۆندیالی 2022ـی بە میوانداری قەتەر بردەوە، لە تەنیشت کیلیان مباپێ کە لە یاری کۆتایی مۆندیالدا بەشداری کرد، هاتریکی تۆمارکرد و پاڵەوانی خولی فەڕەنسا لە پاریس سانجێرمان بەدەستهێنا. دواتر ئێرلینگ هالاند هێرشبەری نەرویجی کە لەگەڵ مانچستەر سیتی نازناوی خولی یانە پاڵەوانەکانی ئەوروپا و جامی یەکێتی ئینگڵتەرا و پریمەرلیگی بەدەستهێنا، ڕکابەری لەسەر تۆپی زێڕین کرد.
براوەی ئەمساڵی تۆپی زێڕین ئەستێرەی جیهانی ئەرجەنتینی لیۆنێل میسی بوو کە یاری بۆ یانەی ئینتەر میامی دەکات کە یەکێکە لە یانەکانی خولی تۆپی پێی ئەمریکا (MLS) مێسی تەمەن 37 ساڵ بۆ جاری هەشتەم خەڵاتی تۆپی زێڕینی بەدەستهێنا و ڕیکۆردێکی شکاند کە ئەستەمە بشکێنرێت وەک ئەو یاریزانەی تۆپی پێ کە زۆرترین براوەی ئەم خەڵاتەیە.
لە دەنگدانەکەدا ئێرلینگ هالاند پلەی دووەمی بەدەستهێنا و کیلیان مباپێ پلەی سێیەمی بەدەستهێنا.
ئایتانا بۆنماتی ئەستێرەی هەڵبژاردەی ئیسپانیا و بەرشەلۆنە بە شایستەی خەڵاتی باشترین یاریزانی تۆپی پێی ئافرەتانی پێبەخشرا.
هالاند باشترین هێرشبەری ساڵ دەستنیشانکرا
براوەی خەڵاتی گێرد مۆلەر کە بۆ باشترین هێرشبەری ساڵ بەخشرا بە ئێرلینگ هالاند، یاریزانی نەرویجی، کە ئاستێکی بەرزی پێشکەشکرد لە گەڵ مانچستەر سیتی.
هالاند کە پێش وەرزی ڕابردوو لە یانەی بروسیا دۆرتمۆندەوە هاتە هەڵبژاردەی ئینگلتەرا، ڕۆڵێکی گرنگی هەبوو لە سێ یاریی تیپەکەیدا بە بردنەوەی نازناوی پریمەرلیگ و جامی فیدراسیۆن و چامپیۆنزلیگی ئەوروپا. ئەو یاریزانە تەمەن 23 ساڵەی تۆپی پێ لە 53 یاریدا لە سەرجەم پاڵەوانێتییەکان 52 گۆڵی تۆمارکرد.
خەڵاتی باشترین یانەی ساڵ لە بەشی پیاوان بەخشرایە مانچستەر سیتی، لە بەشی ئافرەتانیش بەرشەلۆنە، کە وەرزی ڕابردوو نازناوی خولی ئیسپانی و چامپیۆنزلیگی یوێفای ئافرەتانی بەدەستهێنا.
جود بێلینگهام، ئەستێرەی ئینگلیزی یانەی ڕیال مەدرید نازناوی جامی کۆپای بەدەستهێنا، کە بەخشرایە بە باشترین یاریزانی خوار تەمەن 21 ساڵ لەم وەرزەدا، ئیمیلیانۆ مارتینێزی گۆڵپارێزی ئەرجەنتینی یانەی ئەستۆن ڤیلاش خەڵاتی لیڤ یاشینی بەدەستهێنا، کە بەخشرا بە باشترین گۆڵپارێزی ئەمساڵ.
گۆڵدن بۆی جود بێلینگهام
خەڵاتی کوڕە زێڕینەکە کە ڕۆژنامەی وەرزشی توتوسپۆرتی ئیتاڵی بە باشترین یاریزانی لاوی خوار تەمەنی 21 ساڵ کە لە ئەوروپا یاری دەکات، بەخشرایە جود بێلینگهام.
بێلینگهام، ئەستێرەی تەمەن 20 ساڵانی بەریتانی کە لە تیپی ڕیال مەدریدی ئیسپانیا یاری دەکات، دوای جامی کۆپا خەڵاتی گۆڵدن بۆی بەدەستهێنا.
خەڵاتی بچوکترین گۆڵدن بۆی ئەوروپی لامین یامالی تەمەن ١٦ ساڵ هەڵبژێردرا کە بۆ یانەی بەرشەلۆنەی ئیسپانی یاری دەکات.
کۆتا 10 کاندید بۆ باشترینەکانی ساڵ لە ئەفریقا
لە لایەکی دیکەوە خەڵاتی باشترین یاریزانی تۆپی پێی ساڵ لە ئەفریقا لە مانگی کانوونی دووەمدا دەدرێتە خاوەنەکانی.
لە ڕاگەیەندراوەکەی یەکێتی تۆپی پێی ئەفریقا (CAF)، لە لیستی باشترین یاریزانانی تۆپی پێی ساڵی 2023، یاریزانانی کۆتایی لە 10 باشترین یاریزانانی تۆپی پێی ساڵی 2023 دیاری کران. کاندیدەکان بریتین لە محەمەد سەڵاح یاریزانی لیڤەرپوول و ڕیاز مەحرەزی یانەی ئەهلی و سادیۆ مانێ یاریزانی یانەی ناسر و هەروەها ئەشرەف حەکیمی لە پاریس سانجێرمان و سۆفیان ئەمرابات یاریزانی مانچستەر یونایتد و ڤیکتۆر ئۆسیمهێن یاریزانی ناپۆلی و فرانک ئەنگویسا و یوسف ئین نێسیری لە سیڤیلیا و یاسین بۆنۆ لە یانەی هیلال و ڤینسێنت ئەبوبەکر لە یانەی بێشیکتاش ئەو یاریزانانە بوون کە گەیشتنە یاری کۆتایی.
