“لە زاپۆرۆژیا لە کارەساتێکی ئەتۆمیی نزیک بووینەتەوە”

0

لایک

0

سەرچاوەیەکی ئاگادار لە وێستگەی زاپۆرۆژیا رایگەیاند، بارودۆخی وێستگەی زاپۆرۆژیا لە دۆخێکی خراپدایە و لە کارەساتێکی ئەتۆمیی نزیک بووەتەوە.

بەپێی هەواڵێکی تۆڕی ئەی بی سی نیوز کە لە زاری سەرچاوەیەکی ئاگادار لە وێستگەی زاپۆرۆژیا وەریگرتووە، بارودۆخی وێستگەکە لە ئێستادا خراپە و رووبەڕووی مەترسییەکی گەورە بووەتەوە. ئەو سەرچاوەیە رایگەیاندووە، “تەنها ترسم لەسەر خانەوادەکەم نییە، بەڵکو ترسم لەسەر تەواوی جیهان هەیە”.

هاوکات لەهەواڵەکەدا باس لەوەشکراوە کە سەرچاوەکە خۆی ئەندازیارە و رایگەیاندووە، “هیوادارین بە زووترین کات دەست بە کارەکانی خۆمان بکەینەوە” لەبارەی بارودۆخی ئەمنی ناوچەکەشەوە ئەو رایگەیاندووە، “سەربازانی رووسیا لە وێستگەکە بە چڕی هەن و ماسکیان بەستووە”.