ئۆتۆمبێلێکی مارسیدس بێنز کە دروستکراوی ساڵی 1955ـە و تەنها دوو دانەی لێبەرهەمهێنراوە، لەمیانی زیادکردنێکی ئاشکرادا بە 135 ملیۆن یۆرۆ فڕۆشرا.
ئۆتۆمبێلەکە جۆری مارسیدس بێنز (یەکێک لە کۆمپانیا زەبەلاحەکانی بەرهەمهێنانی ئامرازی گواستنەوەی ئەڵمانی)ـە و مۆدێل 300 SLR Uhlenhaut و لە ساڵی 1955 لە شتوتگاردی ئەڵمانیا بەرهەمهێنراوە.
شایەنی باسە، بە فرۆشتنی ئەم ئۆتۆمبێلە بە 135 ملیۆن یۆرۆ، توانی بەرێژەی نزیکەی %300 ببێتە پێشەنگ لە بەرامبەر ئۆتۆمبێلی جۆری (فێراری جی تی ئۆ)ـی دروستکراوی 1962 کە لە زیادکردنێکی ئاشرای ساڵی 2018 بە 48 ملیۆن یۆرۆ فڕۆشرابوو.
