دوای ئه‌وه‌ی دوێنێ شه‌و له كه‌ناراوه‌كانی سووریا، یه‌ختێكی په‌نابه‌ران نوقومبوو، ژماره‌ی قوربانیان گه‌یشته 73 كه‌س.
حه‌سه‌ن غه‌باش وه‌زیری ته‌ندروستی سووریا، به ئاژانسی فرانس پرێسی راگه‌یاند، ژماره‌ی ئه‌و كۆچبه‌رانه‌ی كه له نزیک كه‌ناراوه‌كانی ته‌رتووس گیانیان له‌ده‌ست داوه، گه‌یشته 73 كه‌س.
هه‌روه‌ها راشیگه‌یاند، نزیكه‌ی 20 په‌نابه‌ری دیكه‌ی رزگاربوو له نه‌خۆشخانه‌ی باسل له ته‌رتووس چاره‌سه‌ری وه‌رده‌گرن.
دوێنێ پێنجشه‌ممه سامر قبرسڵی به‌ڕێوبه‌ری گشتیی به‌نده‌ره‌كانی سووریا، رایگه‌یاند، ئه‌و كۆچبه‌رانه له لوبنانه‌وه به‌ڕێكه‌وتوون و ژماره‌یه‌ک له قوربانییه‌كان خه‌ڵكی وڵاتانی دیكه‌ن.
به هۆی خراپی گوزه‌رانه‌وه، ساڵانه له لوبنان هه‌زاران كه‌س وه‌ك كۆچبه‌ر له رێی ده‌ریاوه روو له قوبرس ده‌كه‌ن و به‌شێكیان به هۆی ژێرئاوكه‌وتنی یه‌خته‌كانیان گیان له‌ده‌ست ده‌ده‌ن.
له 13ی ئه‌م مانگه‌شدا، پاسه‌وانی كه‌ناراوه‌كانی توركیا رایگه‌یاند، شه‌ش كۆچبه‌ر كه منداڵیشیان تێدابوو، له ده‌ریای ئیجه گیانیان سپارد و توانرا 73ی دیكه رزگار بكرێن، كه ده‌یانویست بگه‌نه ئیتاڵیا، دوای ئه‌وه‌ی له ته‌رابلووسی باكووری لوبنانه‌وه به‌ڕێكه‌وتبوون بۆ گه‌یشتن به ئه‌وروپا.
1
کونسوڵخانەی گشتی تورکیا لە هەولێر کەمپینێکی راگەیاند
2
وادەى جەژنى قوربان دیارى کرا
3
ئێران: بەرگەی دهستدرێژی ئه‌و گروپانه ناكهین كه له ههرێمی كوردستانن
4
گەشتە ئاسمانییەکانی فڕۆکەخانەی ئیستانبوڵ راگیرا
5
ژماره‌ی گیانله‌ده‌ستدانی ژێرئاوكه‌وتنی به‌له‌مێكی كۆچبه‌ران له‌كه‌ناراوه‌كانی سووریا به‌رزده‌بێته‌وه
