مەسرور بارزانی لەگەڵ سەلاحەددین بەهائەدین کۆبووەوە

لایک

سەرۆكی حکومەت پێشوازی لە ئەمینداری گشتیی یەكگرتووی ئیسلامی دەكات و هەردوولا گفتگوگۆی هاوهەڵوێستی و یەکڕیزی لایەنەکان و گرنگیی کاراکردنەوەی پەرلەمانیان کرد.

ئەمڕۆ چوارشەممە ١١ـی ئاداری ٢٠٢٦، ماڵپەری حکومەتی هەرێم ڕایگەیاند، مەسرور بارزانی، سەرۆکی حکومەتی هەرێمی کوردستان-عێراق، پێشوازی لە سەلاحەددین بەهائەدین، ئەمینداری گشتیی یەكگرتووی ئیسلامیی كوردستان كرد.

ئاماژەی بەوەشکرد، لە دیدارەكەدا بیروڕا لەبارەی دۆخیی گشتی هەرێم و عێراق و ناوچەكە ئاڵوگۆڕ کرا.

ئەوەشخرایەڕوو، هەردوولا جەختیان لە گرنگیی هاوهەڵوێستی و یەکڕیزی هێز و لایەنە کوردستانییەکان لەپێناو پاراستنی ئاسایش و ئارامیی هەرێمی کوردستان-عێراق و سەقامگیریی ناوچەکە کردەوە.

ماڵپەری حکومەتی هەرێم ڕاشیگەیاند، دووپاتیش کرایەوە کە هەرێمی کوردستان-عێراق وەک هەمیشە فاکتەرێکی ئارامی و ئاشتی دەبێت لە ناوچەکەدا.

لە بەشێکی دیکەی گفتوگۆکاندا، باس لە گرنگیی کاراکردنەوەی پەرلەمانی هەرێمی کوردستان-عێراق و پێکهێنانی کابینەی نوێی حکومەتی هەرێمی کوردستان-عێراق کرا .