حەسەن توران، سەرۆکی پێشووی بەرەی تورکمانی عێراقی، پەیامێکی پیرۆزبایی بەبۆنەی ٢٥ـی شوباتی ١٩١١، ڕۆژی ڕۆژنامەگەریی تورکمان بڵاوکردەوە، و باس لە ڕؤژنامەنووسانی تورکمان دەکات.
دەقی پەیامەکەی حەسەن توران بەمشێوەیە:-
“لە دڵەوە پیرۆزبایی ١١٥ ساڵەی دامەزراندنی ڕۆژنامەگەریی تورکمانی لە عێراق دەکەین، کە میراتێکی دەوڵەمەندی میدیاییە کە هەر لە سەرەتای دامەزراندنیەوە، دەنگێکی هۆشیار و دەربڕین بۆ ناسنامەی تورکمان و پرسە نەتەوەییەکان بووە”.
هەروەها دەڵێت، “ئێمە دەستخۆشی لە ڕۆژنامەنووسان و پیشەگەرەکانی میدیا لە کۆمەڵگاکەمان دەکەین بۆ هەوڵ و بەرپرسیارێتی پیشەیی خۆیان لە گەیاندنی ڕاستییەکان و پاراستنی یادەوەری نیشتمانی و دۆزی نەتەوەییمان و بەرز ڕاگرتنی بەهاکانی ئازادی قسەکردن و پابەندبوونی پیشەیی”.
