راگەیەندراوێک لە حکومەتی هەرێم لەبارەی هێرشکردنە سەر نەخۆشخانەیەک لە غەززە

0

لایک

0

وتەبێژی حکومەتی هەرێم لەبارەی هێرشەکەی ئەمشەوی سەر نەخۆشخانەی مەعمەدانی لە غەززە راگەیەندراوێکی بڵاوکردەوە.

رۆژی سێشەممە (17ـی تشرینی یەکەمی 2023) پێشەوا هەورامانی، وتەبێژی حکومەتی هەرێم لە راگەیەندراوێکدا ئاماژەی بەوەکردووە، “‎حکومەتی هەرێمی کوردستان هێرشی ئەمڕۆی سەر نەخۆشخانەی مەعمەدانی لە غەزە، ئیدانە دەکات کە بەهۆیەوە زیاتر لە 500 کەس بونەتە قوربانی و قوربانیەکانیش زۆربەیان ژن و منداڵن”.

هەروەها پێشەوا هەورامانی ئاماژەی بەوەشکردووە، “‎دووپاتیدەکەینەوە جەنگ و هێرشی سەربازی چارەسەر نییە بۆ کێشەکان و داوا لە کۆمەڵگەی نێودەوڵەتی دەکەین هەوڵەکانیان چڕبکەنەوە بۆ پاراستنی خەڵکی سڤیل و بێ تاوان لە مەترسییەکان”.

دەقی راگەیەندراوەکەی وتەبێژی حکومەتی هەرێم

‎حکومەتی هەرێم هێرشی ئەمڕۆی سەر نەخۆشخانەی مەعمەدانی لە غەززە، ئیدانە دەکات کە بەهۆیەوە زیاتر لە 500 کەس بونەتە قوربانی و قوربانیەکانیش زۆربەیان ژن و منداڵن.
‎دووپاتیدەکەینەوە جەنگ و هێرشی سەربازی چارەسەر نییە بۆ کێشەکان و داوا لە کۆمەڵگەی نێودەوڵەتی دەکەین هەوڵەکانیان چڕبکەنەوە بۆ پاراستنی خەڵکی سڤیل و بێ تاوان لە مەترسییەکان.

پێشەوا هەورامانی

وتەبێژی حکومەتی هەرێمی کوردستان