“دووبارە هەردوو مەکتەبی سیاسی پارتی و یەکێتی کۆدەبنەوە”

0

لایک

0

وتەبێژی پارتی رایگەیاند، گفتوگۆی بونیادنەرانەیان لەگەڵ یەکێتیدا کردووە و لە چەند رۆژی داهاتووشدا دووبارە هەردوو مەکتەب سیاسی کۆدەبنەوە.

مەحمود محەمەد، وتەبێژی پارتی بە میدیای حزبەکەی راگەیاندووە، لە کۆبوونەوەی پیرمامدا شاندى پارتى و یەکێتى، گفتوگۆی زۆرباش و بونیادنەرانەیان کردووە و لەچەند رۆژی داهاتووشدا دووبارە کۆدەبنەوە.

وتیشی، هەوڵ دەدەن لەگەڵ یەکێتیدا جیاوازییەکانیان چارەسەر بکەن و بەردەوام یەکتری ببینن و لە یەکتری دوور نەبن.

ئەمەش لە کاتێکدایە، رۆژی یەک شەممە شاندێکی مەکتەب سیاسيی یەکێتی بە سەرۆکایەتی بافڵ تاڵەبانی سەردانی پیرمامیان کرد و لەگەڵ بەرپرسانی پارتی کۆبوونەوە.