ئایدن مه‌عروف، له‌باره‌ی پرسی هه‌ڵبژاردنی په‌رله‌مانی كوردستان-عێراق و كۆتاكان كۆنگره‌یه‌كی رۆژنامه‌وانی ئه‌نجامدا و رایگەیاند “ئێمە پێمانباشە هەڵبژاردن لە کاتی خۆی ئەنجام بدرێت چونکە ئەوە مافی هاووڵاتییانە چوار ساڵ دەنگ بدەن. داوا لە پارتی و یەکێتی دەکەین بگەنە رێککەوتن تاوەکو پرۆسەکە لە کاتی خۆی ئەنجام بدرێت”.
وتیشی “ئێمە وەکو بەرەی تورکمانی و نوێنەری تورکمان دەمانەوێت بە یەک بازنە هەڵبژاردن ئەنجام بدرێت چونکە کۆتاکان دۆخێکی تایبەتیان هەیە. هەروەها لە عێراق تورکمان نەتەوەی سێیەمە و لە هەرێم دووەمە لەبەر ئەمەش دەبێت لەم هەڵبژاردنە نا بەڵام لە هەڵبژاردنی داهاتوو کورسی کۆتای تورکمان زیاتر بکرێت بۆ ئەوەی بە شێوەیەکی فراوانتر بەشداربن لە پرۆسەی سیاسی و بڕیارە سیاییەکاندا”.
سەبارەت بە دەنگدانی تایبەت ئایدن مەعروف ئاماژەی بەوەدا “دیارە لە دەنگدانی تایبەت زیاتر دەستێوەردان لە کاروباری کۆتا دەکرێت بۆیە ئێمە وەکو بەرەی تورکمانی نامانەوێت دەنگدەری تایبەت بتوانن دەنگ بە کۆتا بدەن”.
جەختی لەوەش کردەوە، “ئێمه داواكارین كه له داهاتوودا هه‌ر گۆڕانكارییه‌ك له كۆمیسیۆندا بكرێت، ره‌چاوی نوێنه‌رانی پێكهاته‌ی توركمان بكرێت”.
وتیشی، “پێویسته بۆ ئه‌نجامدانی هه‌ر كارێك كه په‌یوه‌ندی به پێكهاته‌كانه‌وه هه‌بێت، راوێژ له‌گه‌ڵ نوێنه‌رانی پێكهاته‌كان بكرێت و هه‌ر بابه‌ت و كارێك به‌بێ راوێژ له‌گه‌ڵ نوێنه‌رانی پێكهاته‌كان بكرێت، ئەوە قبووڵكراو نییه و دەبێتە ده‌ستوه‌ردان له كاروباره‌كانی پێكهاته‌كان”.
ئایدن مەعروف ئاماژەی بەوە دا، “پاراستنی مافی پێكهاته‌كان، ده‌بێته پاڵنه‌رێكی به‌هێز بۆ ئه‌و پێكه‌وه‌ژیانه‌ی له هه‌رێمی كوردستان هه‌یه. ئێستا پێكه‌وه ژیانێكی زۆر باش له هه‌رێمی كوردستان هه‌یه و ئه‌مه جێگه‌ی دڵخۆشیمانه و پێكهاته‌كان بەشدارییەکی باشیان هه‌یه له په‌رله‌مان، سه‌رۆكایه‌تی هه‌رێم و حكومه‌تی هه‌رێمی كوردستان”.
ئه‌ندامی مه‌كته‌ب سیاسی به‌ره‌ی توركمانی عێراقی داوای له لایه‌نه سیاسیییه‌كانی هەرێمیش كرد، پرسی كۆتاكان تێكه‌ڵی ناكۆكییه سیاسییه‌كانیان نه‌كه‌ن و به كۆتاكانیشی وت، “نه‌بنه لایه‌ن له ناكۆكییه سیاسییه‌كانی نێوان لایه‌نه سیاسیییه‌كاندا”.
1
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
2
ئایدن مەعروف: داوا لە لایەنە سیاسییەکان دەکەم ململانێکانی خۆیان لە کورسی کۆتا بەدووربگرن
3
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
4
کۆبوونەوەی ئەنجومەنی نوێنەرانی عێراق دواخرا
5
ئەنجومەنی وەزیران دوو بڕیار بۆ گواستنەوەی فەرمانبەران دەردەکات
