مەسعود بارزانی دەچێتە بەغداد

0

لایک

0

بڕیارە سەرۆکی پارتی دیموکراتی کوردستان سەردانی بەغداد بکات، کێشە داراییەکان و مووچە و پرسی پارێزگاری کەرکووک لە نێو ئەو دۆسیەیانەدا دەبن کە لەگەڵ بەرپرسانی عێراقدا تاوتوێیان دەکات.

ئەمڕۆ سێشەممە، رۆژنامەی شەرقولئەوست بڵاویکردەوە، سبەینێ مەسعود بارزانی، سەرۆکی پارتی دیموکراتی کوردستان سەردانی بەغداد دەکات و ئەوەش بە یەکەم سەردانی ناوبراو دادەنرێت لە ماوەی شەش ساڵی رابردوودا بۆ بەغداد ئەنجامی بدات.

رۆژنامەکە لە زاری چەند سەرچاوەیەکەوە بڵاویکردەوە کە بارزانی زنجیرەیەک کۆبوونەوە و دانووستاند لەگەڵ زۆربەی سەرکردە سیاسییەکان ئەنجام دەدات بۆ چارەسەرکردنی کۆتایی کێشەکانی نێوان هەولێر و بەغداد.

روونیشیکردەوە کە کێشە داراییەکان، مووچەی فەرمانبەران، یاسای نەوت و غاز، دۆسیەی هەڵبژاردنەکان، پرسی پارێزگاری کەرکووک، رێککەوتنی شەنگال، لەشکرکێشییەکەی ئەمدواییەی تورکیا بۆ دهۆک و ئەگەری بەئامانجگرتنی هەولێر لەلایەن گروپە چەکدارەکانەوە لە نێو ئەو بابەتانەدان کە مەسعود بارزانی لەگەڵ بەرپرسە عێراقییەکاندا تاوتووێیان دەکات.