مەسعود بارزانی لەگەڵ سەرکردەکانی چوارچێوەی هەماهەنگی كۆبووه‌وه‌
  • TEBA KURDİ
  • عێراق
  • مەسعود بارزانی لەگەڵ سەرکردەکانی چوارچێوەی هەماهەنگی كۆبووه‌وه‌

مەسعود بارزانی لەگەڵ سەرکردەکانی چوارچێوەی هەماهەنگی كۆبووه‌وه‌

ته‌مموز 4, 2024 10:33
مەسعود بارزانی لەگەڵ سەرکردەکانی چوارچێوەی هەماهەنگی كۆبووه‌وه‌
0

لایک

مەسعود بارزانی لەگەڵ سەرکردەکانی چوارچێوەی هەماهەنگی كۆبووه‌وه‌ و هاوڕا بوون له‌سه‌ر چاره‌كردنی پرسه‌ په‌یوه‌ندیداره‌كانی نێوان هه‌رێمی كوردستان-عێراق و حكومه‌تی فیدراڵی به‌گوێره‌ی یاسا و ده‌ستوور.

مەسعود بارزانی، لە ماڵی سەرۆکی رەوتی حیکمە، لەگەڵ سەرکردەکانی چوارچێوەی هەماهەنگی کۆبووه‌وه‌ و چەند پرسێکی گرنگیان تاوتوێ كرد.

له‌ كۆبوونه‌وه‌كه‌دا، سەرۆکی پارتی و سه‌ركرده‌كانی چوارچێوه‌ی هه‌ماهه‌نگی كۆك بوون له‌سه‌ر به‌رده‌وامبوون لە چارەكردنی پرسه‌ هه‌ڵپه‌سێردراوه‌كانی نێوان هه‌ردوو حكومه‌تی هه‌رێم و حكومه‌تی فیدراڵی به‌گوێره‌ی یاسا و ده‌ستووری عێراقی.

له‌ كۆبوونه‌وه‌كه‌دا گرنگیی یەکخستنی هەڵوێستی نیشتمانی بەرانبەر پرسە جیاوازه‌كانی پەیوەست بە بەرژەوەندی عێراق و بەردەوامیدان به‌ هەوڵەکانی چارەکردنی کێشەی هەڵبژاردنی سەرۆکی په‌رله‌مانی عێراق و هاوکاریکردنی هێزە سیاسییە پەیوەندیدارەکان بۆ چارەکردنیان دووپات كرایه‌وه‌.

ئەمە لە کاتێکدایە لە کۆبوونەوەکانی مەسعود بارزانی لەگەڵ سەرۆکوەزیران و بەشێک لە سەرکردەکانی عێراق، گفتوگۆ لەبارەی بەردەوامیی هەماهەنگیی نێوان بەغداد و هەولێر کرا، هاوکات جەخت لە چارەكردنی سەرجەم کیشەکان کرایە.

En az 10 karakter gerekli