پەیامی نێچیرڤان بارزانی بەبۆنەی هاتنی جەژنی رەمەزانی پیرۆز

0

لایک

0

ئه‌مڕۆ پێنجشه‌ممه‌، به‌بۆنه‌ی هاتنی جه‌ژنی ره‌مه‌زانی پیرۆز نێچیرڤان بارزانی سه‌رۆكی هه‌رێمی كوردستان-عێراق په‌یامێكی پیرۆزبایی ئاڕاسته‌ی هاووڵاتییانی هه‌رێم و پێشمه‌رگه‌ و موسوڵمانانی كوردستان و عێراق و جیهان كرد، هیوای خواست جه‌ژنی ئاشتی و سه‌قامگیریی بێت بۆ كوردستان و ناوچه‌كه‌ به‌ گشتیی ..

ده‌قی په‌یامی سه‌رۆكی هه‌رێمی كوردستان-عێراق..

بە بۆنەی هاتنەوەی جەژنی پیرۆزی ڕەمەزان، گەرمترین پیرۆزبایی لە تەواوی موسڵمانان لە کوردستان، عێراق و جیهان دەکەم. بە تایبەتی پیرۆزبایی لە خانەوادە و کەسوكاری سەربەرزی شەهیدان دەکەم و هیوادارم ئەم جەژنە ببێتە مایەی ئارامی، ئاسوودەیی و کامەرانی بۆ هەمووان.

با مانا و پەیامە بەرزەکانی ئەم جەژنە لە لێبوردەیی، گەردن ئازادی و ئاشتەوایی، بکەینە دەرفەتێکی نوێ بۆ پتەوکردنی تەبایی و پێکەوەیی.

لەم دۆخە هەستیارەدا کە ناوچەکەمان بە ئاڵۆزی و مەترسییەکانی شەڕدا تێدەپەڕێت، ئەرکی هەمووانە کە بە بەرپرسیاريه‌تیی مێژوویی و نیشتمانییەوە کار بکەن بۆ پاراستنی قەوارەی هەرێمی کوردستان و ڕووبەڕووبوونەوەی ئاڵنگارییەکان.

ئێمە بە ئومێد و گەشبینییەوە لە داهاتوو دەڕوانین و دڵنیاین گەلی کوردستان بە خۆڕاگری و یەکدەنگی، ئەم قۆناغە سەختەش تێدەپەڕێنێت.

هیوادارم جەژنی خێر و به‌خته‌وه‌ری بێت بۆ هەموو لایەک.

جەژنتان پیرۆز بێت، هەموو ساڵێک بە خۆشی.

نێچیرڤان بارزانی

سەرۆکی هەرێمی کوردستان-عێراق