ڕووداوێکی هاتووچۆ لەنێوان چەند ئۆتۆمبێلێک روویدا

0

لایک

2

بەیانیی ئەمڕۆ، ڕووداوێکی هاتووچۆ لەنێوان چەند ئۆتۆمبێلێکی جۆراوجۆردا لەسەر ڕێگەی سلێمانی – چەمچەماڵ ڕوویدا، کە بووە هۆی برینداربوونی چەند هاووڵاتییەک و داخستنی ڕێگەکە.

بەڕێوەبەرایەتیی هاتووچۆی چەمچەماڵ ڕاگەیاند، بەیانیی ئەمڕۆ یەکشەممە ٥ـی تشرینی یەکەمی ٢٠٢٥، لەسەر ڕێگەی سەرەکیی سلێمانی – چەمچەماڵ، ڕووداوێکی هاتووچۆی زنجیرەیی لەنێوان بارهەڵگر، پاسێک و چەند ئۆتۆمبێلێکی تایبەتدا ڕوویدا.

هاتووچۆی چەمچەماڵ ئاشکرای کرد، لە ئەنجامی ڕووداوەکەدا چەند سەرنشینێک بریندار بوون و بەهۆی قەبارەی ڕووداوەکەوە ڕێگەکە بۆ ماوەیەکی زۆر داخرا.

ئاماژەی بەوەشکرد، دەستبەجێ تیمەکانی هاتووچۆ و فریاگوزاریی تەندروستی گەیشتنە شوێنی ڕووداوەکە و بریندارەکانیان بۆ نەخۆشخانەی گشتیی چەمچەماڵ گواستەوە.

هاتووچۆی چەمچەماڵ دەڵێت، پاش لابردنی ئۆتۆمبێلەکان، ڕێگەکە کرایەوە و هاتوچۆ ئاسایی بووەوە.