لەسەر زانیاری ئاسایشی ئابووری، لێژنە هاوبەشەکانی قائیمقامیەتی سلێمانی دەست بەسەر یەک تۆن و (122) کیلۆگرام خورمادا دەگرن.
بەپێی راپۆرتی لێژنەی عەلوەی قائیمقامیەت کە تیایدا هاتووە، لەسەر زانیاری ئاسایشی ئابووری و بەگومانی خراپی و نەشیاوی بۆ خواردن، لێژنەکە لە عەلوە دەستی بەسەر یەک تۆن و (122) کیلۆگرام خورمای هاوردەکراودا گرتووە.
ئاماژەی بەوەشکراوە، نمونەی خورما دەست بەسەرداگیراوەکە رەوانەی تاقیگەی عەلوەی سلێمانی کراوە و وەڵامەکەی بە”شیاوی خواردن نییە” دراوەتەوە، بۆیە بەفەرمانی قائیمقامی سلێمانی تەواوی خورما هاوردە کراوەکە لەناودەبرێت و خاوەنەکەشی رووبەڕووی رێکاری یاسایی دەکرێتەوە.
