کەشناسی: باران و هەورە برووسکە دەستپێدەکەنەوە
  • TEBA KURDİ
  • رۆژەڤ
  • کەشناسی: باران و هەورە برووسکە دەستپێدەکەنەوە

کەشناسی: باران و هەورە برووسکە دەستپێدەکەنەوە

نیسان 6, 2024 11:37
کەشناسی: باران و هەورە برووسکە دەستپێدەکەنەوە
0

لایک

بەشی پێشبینی لە بەڕێوەبەرایەتیی گشتیی کەشناسی و بوومەلەرزەزانی سەر بە وەزارەتی گواستنەوە و گەیاندن، لە راگەیەندراوێکدا کەشى پێشبینیکراوى 48 کاتژمێرى داهاتووی لە هەرێمی کوردستان-عێراق راگەیاند.

بە گوێرەی راگەیەندراوەکە، کەشی ئەمڕۆ شەممە، 06-04-2024، “ئاسمان نیمچە هەور دەبێت، لە شەودا دەگۆڕێت بۆ هەورى تەواو، لەگەڵ ئەگەرى نمە باران لە هەندێک ناوچەدا” .

لەبارەی کەشی سبەی یەکشەممەش، 07-04-2024، “ئاسمان لە نێوان نیمچە هەور بۆ هەورى تەواو دەبێت لەگەڵ بارانی پچڕ پچڕ. لە دواى نیوەڕۆ ڕێژەى بارانەکە زیاتر دەبێت و هەندێ جار هەورە برووسکەی لەگەڵدا دەبێت بەتایبەتى لە ناوچە شاخاوییەکان” .

بەرزترین پلەکانی گەرمای پێشبینیکراو بە پلەی سیلیزی لە هەرێم:

هەولێر: 28
سلێمانی: 25
دهۆک: 23
هەڵەبجە: 27
زاخۆ: 23
سۆران: 24
حاجی ئۆمەران: 16
گەرمیان: 33

هاوکات دەستەی کەشناسیی عێراق پێشبینی کردووە لەمڕۆ شەممەوە، 06-04-2024، شەپۆلێکی باران پارێزگاکانی بەغداد، سەڵاحەددین، کەربەلا، ئەنبار و زیقار بگرێتەوە. دەستەکە ئاماژەی بەوەش کردووە، رۆژانی سێشەممە و چوارشەممەی داهاتوو بارانێکی بەخوڕ پارێزگاکانی عێراق دەگرێتەوە.

En az 10 karakter gerekli