فەرمانگەی میدیا و زانیاری هەرێمی کوردستان-عێراق بڵاویکردەوە، بە هۆی بارانی زۆر و ئەگەری روودانی لافاو لە درەنگانی ئەمشەو و رۆژی سێشەممە، بارودۆخی كەشوهەوای هەرێمی کوردستان-عێراق سەخت دەبێت.
فەرمانگەی میدیا و زانیاری ئاماژەی بەوەشکردوە، بەپێی زانیارییەكانی ژووری ئۆپەراسیۆن بۆ بەڕێوەبردنی قەیران و كارەسات و بەڕێوەبەرایەتیی گشتیی كەشناسی و بوومەلەرزەزانیی هەرێم، شەپۆلێكی بارانبارین و هەورەتریشقەی بەهێز لە درەنگانی ئەمشەو دووشەممە و سبەی سێشەممە، لە تەواوی کوردستان-عێراق روودەدات.
ئەوەشی خستوەتەڕوو، زۆرترین بڕی بارانبارینیش لە ئیدارەی سەربەخۆی راپەڕین دەبێت، بەوەش ئەگەری هەستانی لافاو هەیە.
لە راگەیەندراوەکەی فەرمانگەی میدیا و زانیاری باس لەوەشکراوە، هۆشداری دەدەنە هاوڵاتیان لەو ناوچانەی نزمن و ئەگەری کۆبوونەوەی ئاو هەیە، دوور بکەونەوە و ئۆتۆمبێل رانەگرن، بۆ دووربوون لە هەورەتریشقە، سەردانی ناوچە شاخاوییەکان نەکرێت.
ئاماژە بەوەشکراوە، لە رێگە سەرەکییەکان هۆشیار بن و گەر زۆر پێویست نەبێ رێگەكان بەکار نەهێنرێن، هەروەها بە ڕێنمایی دەزگە خزمەتگوزارییەکان پابەند بن.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
