سەرۆككۆماری عێراق، لەگەڵ مەسعود بارزانی، سەرۆكی پارتی دیموكراتی كوردستان كۆبووەوە و بەگوێرەی راگەیەندراوی سەرۆكایەتی كۆمار، پتەوكردنی پەیوەندییەكانی نێوان هەرێمی كوردستان و حكومەتی عێراق یەكێك لە تەوەرە سەرەكییەكانی كۆبوونەوەكە بوو.
نووسینگەی سەرۆككۆماری عێراق لە راگەیەندراوێكدا ئاماژەی بەوەكردووە، ئەمڕۆ یەکشەممە 12ـی ئایاری 2024، د.لەتیف جەمال رەشید، سەرۆككۆمار، لە هەولێر لەگەڵ مەسعود بارزانی، سەرۆکی پارتی دیموکراتی کوردستان کۆبووەوە.
ئەوەش هاتووە، “لەدیدارەکەدا بیروڕا لەبارەی بارودۆخی گشتی و سیاسیی عێراق و هەرێمایەتیی و ناوچەیی ئاڵوگۆڕکرا، رۆشنایی خرایەسەر ئاڵنگارییەکانی بەردەم پرۆسەی سیاسی و سەقامگیریی وڵات”.
لە راگەیەندراوەكەدا روونكراوەتەوە، “هەر لەو دیدارەدا جەخت لە دیالۆگ و هاوئاهەنگی و کاری هاوبەش کرایەوە بۆ چارەسەرکردنی کێشەکان و پتەوکردنی پەیوەندییەکانی نێوان هەردوو حکومەتی فیدراڵی و هەرێمی کوردستان”.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
4
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
