پێنجشەممە، ڕێكەوتی 27ـی شوباتی 2025، سەرۆكی پارتی دیموكراتی كوردستان مەسعود بارزانی، لەبارەی پەیامەکەی عەبدوڵڵا ئۆجەلان، پەیامێکی بڵاو کردەوە و تێیدا هاتووە، جەخت لەسەر هەڵوێستی نەگۆڕی خۆمان دەکەینەوە و بە هەموو توانایەک پشتیوانی پرۆسەی ئاشتی تورکیاین.
مەسعود بارزانی ئاماژەی بەوە دا، ئاشتی بە تاکە ڕێگەی دروست بۆ چارەکردنی کێشەکان دەزانین.
هاوکات سەرۆكی پارتی دیموكراتی كوردستان هیواخوازە، پەیامەکەی ئۆجەلان دەستپێکێک بێت بۆ ئەوەی پرۆسەی ئاشتی ڕێی خۆی بگرێت و، بگاتە ئەنجامێکی وا کە لە بەرژەوەندی هەموو لایەک بێت.
