25 تشرینی یه‌كه‌م 2024 هه‌ینی
نزار ئامێدی، وەزیری ژینگەی عێراق دەستی لەکارکێشایەوە و وەک لێپرسراوی مەکتەبی سیاسیی یەکێتی لە بەغدا دەستبەکاردەبێت.
بەگوێرەی زانیارییەکان، سەرچاوەیەکی باڵا له یەکێتی نیشتیمانی كوردستان ئه‌مڕۆ هه‌ینی ئاشكرایكرد، كه نزار ئامێدی، وەزیری ژینگەی عێراق دەستی لەکارکێشایەوە و وەک لێپرسراوی مەکتەبی سیاسیی یەکێتی لە بەغداد دەستبەکاردەبێت.
نزار ئامێدی له پشكی یه‌كێتی له كابینه‌كه‌ی محه‌مه‌د شیاع سودانی، پۆستی وەزیری ژینگەی عێراقی به‌ڕێوه‌بردووه، به‌ڵام به‌هۆی وه‌رگرتنی ئه‌و پۆسته‌وه كه حزبه‌كه‌ی پێسپاردوه ده‌ستی له‌كاركێشاوه‌ته‌وه.
هاوکات، رۆژی 03-12-2022، لە کۆبوونەوەی پەرلەمانی عێراقدا بە بە شداریی 208 ئەندام، نزار محەممەد ئامێدی بە وەزیری ژینگەی عێراق پەسند کرا.
نرخى زێڕ لە بازاڕەکانی جیهاندا دابەزی، بەجۆرێک هەر ئۆنسەیەک بە دوو هەزار و ٧٢٨ دۆلار مامەڵەی پێوەکرا، بەڵام لە هەرێم بەردەوامە لە بەرزبوونەو و بەراورد بە دوێنێ هەر مسقاڵێک دوو هەزاری چووەتە سەر.
نرخى زێڕ لە بازاڕەکانی جیهاندا بەپێچەوانەی رۆژانی پێشتر کە بەردەوام لە بەرزبونەوەدا بووە، لە ئێستادا نزیکەی هەشت دۆلار بۆ هەر ئۆنسەیەک دابەزی، بەجۆرێک هەر ئۆنسەیەکی لەو کانزا زەردە بە دوو هەزار و ٧٢٨ دۆلار مامەڵەی پێوەکرا.
هاوکات، نرخی زێر لە ماوەی مانگێکدا بۆ هەر ئۆنسەیەک، نزیکەی ٦١ دۆلار و ٨١ سەنت لە نرخەکەی بەرز بووەتەوە.
لە هەرێمیش بەهۆی نرخی دۆلارەوە نرخی زێڕ بەردەوامە لە بەرزبوونەوە و بەرزبوونەو و بەراورد بە دوێنێ هەر مسقاڵێک دوو هەزاری چووەتە سەر.
نرخی زێڕ لە بازاڕەکانی هەرێمی کوردستان:
نرخی یەک مسقاڵ زێڕی عەیارە ١٨ بە ٥١٤ ھەزار دینارە.
نرخی یەک مسقاڵ زێڕی عەیارە ٢١ بە ٥٩٩ ھەزار دینارە.
نرخی یەک مسقاڵ زێڕی عەیارە ٢٢ بە ٦٢٧ هەزار دینارە.
نرخی یەک مسقاڵ زێڕی عەیارە ٢٤ بە ٦٨٤ هەزار دینارە.
ماوەی هەفتەیەکە نرخی نەوت لە بازاڕەکانی جیهاندا لە دابەزیندایە لە ئێستاشدا بەرمیلێک نەوتی خاوی برێنت بە ٧٤ دۆلار و ٥٥ سەنت مامەڵەی پێوە دەکرێت و بەراورد بە دوێنێ یەک دۆلار و پێنج سەنت دابەزیوە.
ئەمڕۆ هەینی، نرخی بەرمیلێک نەوتی رۆژئاوای تێکساس بە ٧٠ دۆلار و ٣٢ سەنت مامەڵەی پێوە دەکرێت.
ئەو دابەزینە کەمەی لە نرخەی نەوتدا هەیە دوای ئەوە دێت ئەمریکا بڕی نەوتی کۆگاکراوی بەرێژەی یەک ملیۆن و ٦٤ هەزار بەرمیل بەرزکردەوە.
هاوکات، لە کۆتاییەکانی مانگی رابردوودا نرخی نەوت لە جیهاندا بە شێوەیەکی بەرچاو دابەزینی بەخۆیەوە بینی، بەجۆرێک، نرخی بەرمیلێک نەوتی خاوی برێنت گەیشتە نزیکەی ٦٧ دۆلار، بەڵام دوای هێرشە مووشەکییەکەی ئێران بۆ سەر ئیسرائیل و ناجێگیری دۆخی رۆژهەڵاتی ناوەڕاست، نرخی نەوت بەشێوەیەکی بەرچاو رووی لە بەرزبوونەوە کرد.
لە ماوەی رابردوودا، رێکخراوی ئۆپیک پڵەس رۆژانە بەرهەمهێنانی نەوتی بە بڕی پێنج ملیۆن و ٨٦ هەزار بەرمیل کەم کردەوە و ئەو کەمکردنەوەیە تاوەکو کانونی یەکەمی ئەمساڵ بەردەوام دەبێت، دواتر بەرهەمهێنانی ١٨٠ هەزار بەرمیل نەوت زیاد دەکەن.
سەرباز کەریم، گوتەبێژی مەیدانی سووتەمەنی فرۆشانی هەولێر ڕایگەیاند، “چەند رۆژێک پێش ئێستا بەرمیلێک نەوت بە کۆ 138 هەزار دینار بوو، ئێستا بووە بە 148 هەزار دینار.”
سەرباز کەریم دەڵێت، ئێستا بەرمیلێک نەوت بە نزیکەی 160 هەزار دینار دەگاتە هاونیشتمانیان.
بە گوتەی گوتەبێژی مەیدانی سووتەمەنی فرۆشانی هەولێر، هۆکاری بەرزبوونەوەی نرخەکە دابەزینی پلەی گەرمایە.
هەروەها نەوت بە نرخی پاڵپشتیکراوی حکومەتی هەرێم دابەش دەکرێت و بەرمیلی 100 هەزار دینارە و سێ هەزار بۆ کرێ و هەزار دیناریشی بۆ کارتی زیرەک دەچێتەسەر و بە 104 هەزار دینار دەگاتە هاونیشتمانییان.
ئەوەش لە کاتێکدایە، بەگوێرەی دوایین راپۆرتی وەزارەتی سامانە سرووشتییەکانی هەرێمی کوردستان-عێراق، ئەم ساڵ زیاتر لە 58 ملیۆن لیتر بەسەر نزیکەی 292 هەزار خێزانی هەر چوار پارێزگاکەی هەرێم دابەشکراوە.
ساڵی ڕابردوو بە هەمان شێواز و نرخ، نەوتی سپی درایە هاونیشتمانیان لە هەرێمی کوردستان-عێراق.
گەشتە فڕۆکەوانیەکانی تورکیا بۆ ئێران تا ١ی تشرینی دووەم هەڵوەشانەوە
بە هۆی مەترسی هێرشی ئیسرائیل بۆ سەر ئێران هێڵی فەرمی فڕۆکەوانی و کۆمپانیای پێگاسۆسی تورکیا سەرجەم گەشتەکانیان بۆ ئێران و بە پێچەوانەشەوە لە ئێرانەوە بۆ تورکیا هەڵوەشاندەوە.
هەردوو کۆمپانیاکە لە پلاتفۆرمی فەرمی خۆیان بڵاویان کردووەتەوە، تاوەکوو بەر لە یەکەی تشرینی دووەمی 2024، هیچ پلیتێکی گەشتکردن بەرەو ئێران نافرۆشن، چونکە سەرجەم گەشتەکانیان تاوەکوو کۆتایی ئەم مانگە هەڵوەشاندووەتەوە.
پێشووتریش هەردوو کۆمپانیای فڕۆکەوانی تورکیا بەهۆی ئاڵۆزییەکانی ناوچەکە تەواو گەشتەکانیان بۆ ئێران، لوبنان و ژمارەیەک وڵاتانی دیکەی ڕۆژهەڵاتی ناوەڕاست ڕاگرت بوو.
هاوکات، سوپای ئیسرائیل هەموو ئامادەکارییەکانی بۆ وەڵامدانەوە و هێرشکردنە سەر ئێرانی تەواوکردووە و هێرشەکەش گەورە و فراوان دەبێت.
دوابەدوای ئەو هێرشەی لە چەند هەفتەی ڕابردوودا لەلایەن ئێرانەوە ئەنجامدرا، جیهان بە تامەزرۆیەوە دەستی کرد بە چاوەڕوانی وەڵامدانەوەی ئیسرائیل، بە تایبەتی لە کاتێکدا پێشبینی دەکرێت یەکشەممەی داهاتوو ئیسرائیل هێرشێکی تۆڵەسەندنەوە بۆ سەر ئێران ئەنجام بدات.
لە بەرانبەردا و هەر هەمان ڕۆژ، عەباس عراقچی وەزیری دەرەوەی ئێران ڕایگەیاند، هێرشکردنە سەر ئێران واتە بەزاندنی هێڵی سوور، ئەمەش بەبێ وەڵامدانەوە نابێت، هەروا ئاماژەیداوە، هێرشکردنە سەر ئێران دەبێتە هەڵگیرسانی شەڕێکی فراوان.
