سەرۆکوەزیرانی هەرێمی کوردستان-عێراق بە توندی سەرکۆنەی هێرشی میلیشیاکان بۆ سەر کونسوڵخانەی ئەمریکا و ناوچە مەدەنییەکانی هەولێر (ئەربیل) دەکات و داوا لە بەغداد دەکات رێکاری یاسایی بەرانبەر گرووپە چەکدارە لەیاسادەرچووەکان بگرێتە بەر.
ئەمڕۆ یەکشەممە، ٥ـی نیسانی ٢٠٢٦، مەسرور بارزانی، سەرۆکوەزیرانی هەرێمی کوردستان-عێراق لە پەیامێکدا لە تۆڕی کۆمەڵایەتیی “ئێکس” رایگەیاند، “بە توندی سەرکۆنەی هێرشە قێزەونەکانی میلیشیا تیرۆریستییەکان بۆ سەر کونسوڵخانەی گشتیی ئەمریکا و ناوچە مەدەنییەکان لە هەولێر دەکەم”.
مەسرور بارزانی ئاماژەی بەوە کرد، “ئەم دەستدرێژییە بەئەنقەستانە مەترسییەکی گەورە بۆ سەر ئاسایش و سەقامگیریی هەرێمی کوردستان، عێراق و تەواوی ناوچەکە دروست دەکەن و بە هەموو شێوەیەک قبووڵنەکراون”.
سەرۆکوەزیرانی هەرێمی کوردستان-عێراق جارێکی دیکە بە راشکاوی داوا لە حکوومەتی فیدراڵی لە بەغداد دەکات رێکاری خێرا، یەکلاکەرەوە و کرداری بەرانبەر ئەو گرووپە چەکدار و میلیشیا لەیاسادەرچووانە بگرێتە بەر.
مەسرور بارزانی، ئەوەشی خستەروو، ئەرکی سەرشانی حکوومەتی فیدراڵییە هەموو رێگەیەک بەکار بهێنێت بۆ پووچەڵکردنەوەی ئەم هێرشە تیرۆریستییانە و راپێچکردنی ئەنجامدەرانیان بۆ بەردەم دادگا.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
4
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
