لە پێنج پارێزگای عێراق (دیوانیە، سەلاحەدین، موسەننا، زیقار و نەجەف) بەهۆی بارانبارین و مەترسیی لافاو، پشووی فەرمی راگەیەندرا.
هەریەک لەو پارێزگایانە لەڕێگەی راگەیەندراوی فەرمیی پارێزگاوە پشووی فەرمییان بۆ دەوامی سبەی (پێنجشەممە، 16-11-2023) راگەیاندووە.
لە سەرجەم پارێزگاکان وەک لە راگەیەندراوەکاندا هاتووە، پشووەکە بۆ ئەو قوتابییانە نییە، کە تاقیکردنەوەی دەوری سێیەمیان هەیە. پشووەکە هەروەها فەرمانگە خزمەتگوزاری، ئەمنی و تەندروستییەکان ناگرێتەوە.
